Ester 3:2 - Ing Mayap a Balita Biblia

² Inutus na ning ari karing opisyal na ing dukuan de at galangan i Haman. Oneng e ya duruku o gagalang i Mordecai.

Ester 3:2 Iomraidhean Croise

Genesis 41:43

Pepagamit ne pa ing kadua nang karwahe at dininan neng guardia ban potang daratang ya mumuna ya at ikulisak na: Dinan yeng dalan, lumele kayu! Makanyan neng penibala ning ari kang Jose ing mabilug a bansa ning Ehipto.

Ester 2:19

Makalukluk ya kanita i Mordecai lele na ning pasbul dalan ning ari inyang tipunan da la king kaduang besis ding dalaga.

Ester 2:21

Karing aldo a deta, kabang makalukluk ya king pasbul dalan na ning ari, dimdam na lang mipagsalitang Mordecai di Bigtan at Teres, ding aduang kapun a lalaking guguardia karing kuartu na ning ari. Mua la kang Aring Asueru at pikayari da ing paten de.

Ester 2:5

Kanitang panaun a ita, ating Judiong manuknangan king siudad ning Susa. Mordecai ing lagyu na; anak neng Jair at apu neng Simei at apu ne king tud Kis ning tribu nang Benjamin.

Ester 3:1

Kalabas da reting bage milyari, tinas ne katungkulan Aring Asueru i Haman a Agageo at anak nang Hamedata. Ya ing gewa nang matas a pamuntuk da ring ministru na.

Ester 3:3

Ngarang kinutang kang Mordecai ding opisyal ning ari, Baket sasalangsangan mu ing utus na ning ari?

Ester 3:5

Mikalabkab ing mua nang Haman kang Mordecai inyang ikit na king e ya pin bisang duku at gumalang.

Ester 5:9

Masaya yang masayang minuli i Haman king aldong ita. Oneng mikapali ya buntuk inyang ikit ne i Mordecai king lele ning pasbul palub king palasyu, uling e ya dinuku o minie galang.

Ding Dalit 15:4

E na la katulan detang tatanggi king Dios; oneng detang king Dios mamintu, at tatakut ilang gagalangan na; tutuparan na sabla nang kapangakuan nu man anti ing maging kabayaran.

Exodo 17:14

Ngana kanita ning Ginu kang Moises, Isulat mu ing tagumpeng yan ban e makalinguan, at sabian mu kang Josue king lubus ku lang gisanan a lahi ding Amalekita.

Exodo 17:16

Ngana pa, Itas yeng matas ing bandera na ning Ginu! E ya patugut makilaban ing Ginu karing Amalekita king kapilan pa man!

Daniel 2:49

King kayaduanan nang Daniel king ari, di Sadrac, Mesac, at Abednego megawa lang talapanibala karing miyayaliwang katatagan ning probinsia ning Babilonia; oneng menatili ya i Daniel king palasyu ning ari.

Deuteronomio 25:19

Potang ligtas na kayu karing kalaban yu at panatag na kabilian king gabun a babie na kekayu ning Ginung kekayung Dios e yu la kakalinguan pamaten ding sablang Amalekita ban ala nang makaganaka pa karela.

Filipos 2:10

Inya king lagyu nang Jesus, kailangan lang siklaud ding sabla, ding king banua, ding keti king yatu at ding king lalam ning yatu.

1 Samuel 15:3

Uli na niti, lusuban mu la ring Amalekita at ala kang tatagan king pibandian da. Ala kang tatagan a mabie: lalaki't babai, anak at pati na ding sususu, baka at tupa, kamelyu at asno.