Ester 3:12 - Ing Mayap a Balita Biblia

¹² Inya king kalabing atlung aldo na ning mumunang bulan, inaus na lang Haman ding kalihim na ning ari at inutusan na lang gawang sulat para karing gobernador da ring probinsia at pamuntuk balen. Misulat iti king salitang gagamitan da at king lagyu na ning Aring Asueru. Kaybat tetakan na la king singsing a ating panatak ning ari.

Ester 3:12 Iomraidhean Croise

1 Ari 21:8

Kaybat na nita, ginawa yang mapilan a sulat i Jezebel king lagyu na ning ari; tetakan na la king panatak na ning ari, at pepadala na la karing pamuntuk at karing kagalang-galang a makatua ning siudad a tuknangan nang Nabot.

Ezra 8:36

Binie ria naman ing dokumento ning utus ning ari karing embahador ning ari at karing gobernador at ding pamuntuk na ning probinsia dane Albugan ning Ilug ning Eufrates, at sinaup la karing Israelita at king Templo ning Dios.

Ester 1:22

Inya peparala yang sulat karing sablang probinsiang sakup na agpang king karelang sariling pamanyulat at salita ban ing asawang lalaki ya ing malyari buri king pamilya na at kautusan la ding amanu na.

Ester 3:11

Ngana ning ari, Keka na la ding salapi at ding tau; daptan mu itang buri mung daptan karela.

Ester 8:2

Likas ne ning ari ing singsing nang ating panatak a kinua nang pasibayu kang Haman at binie ne iti kang Mordecai. At tilduan na ne mang Ester i Mordecai bilang katiwala king pibandian a likuan nang Haman.

Ester 9:27

inari da king lub da at tikda para karela at karing maging lahi ra at ding makiabe karela king paselebran da lang alang mintis deting aduang aldo balang banua, agpang king sinulat nang panabilin Mordecai.

Daniel 3:10

Ing Kekayung Kamalan pepalual yang kautusan a kabud magumpisa ing tigtigan, duku ya at samba ing balang metung at metung king gintung estatua,

Daniel 6:12

miyabe-abe lang minta king ari at simbung de. Ngara, Makamal a Ari, pinirman ye ing metung a kautusan ban kilub da ring tuki-tuking atlung pulung aldo makabawal king ninumang tau ing maniawad nanumang bage king kaninu mang dios o kaninu mang tau subali mu kekayu, at miyugse ya king kulungan a mitmung leon. Mekibat ya ing ari, Wa, metung yang maigpit a kautusan, metung yang batas para karing tau Media at Persia a e malyaring ibayu.

Daniel 6:15

Kanita mibalik la king ari ding lalaki at ngara, Makamal a Ari, balu yu king agpang karing batas da ring tau Media at Persia alang kautusan a pepalual na ning ari a malyaring ibayu.

Daniel 6:25

Kanita silatanan na la ngan ning Aring Dario ding memalen da ring bansa, lahi, at salita ning yatu. Ngana: Kukomustan da kayu ngan!

Daniel 6:8

Inya, Makamal a Ari, gawan ye at pirman ing kautusan ban mipatupad ya. Maging metung yang batas da ring tau Media at Persia at e ya malyaring ibayu.