Ester 2:9 - Ing Mayap a Balita Biblia

⁹ Meging malapit ya lub i Hegai kang Ester. Inya depat na ing sablang agyu na ban lalung lunto ing lagu na. Dininan neng makapasubaling pamangan ampon gamit pampalagu, at memili yang pitung babai king palasyu ning ari ban lingun keya. E mu ita, dininan neng masanting a lugal king harem na ning ari.

Ester 2:9 Iomraidhean Croise

Genesis 39:21

Oneng e ne pepaburen ning Ginu i Jose kabang atyu ya king sukulan. Pepakit na ing lugud na kang Jose at gewa neng maganaka kang Jose ing pekapun da ring guardia king sukulan, at

Genesis 39:4

Aluguran neng Potifar i Jose. Gewa neng katiwala na at saka na penibala ing mabilug nang pibalebale pati na ing sablang pibandian na.

1 Ari 8:50

at ipatawad mu ing kalapastanganan at kasalanan a depat da keka. Tagkilan mu la pusu ding mekabihag karela ban malunus la karela,

Ezra 7:6

Dinatang ya iting i Ezra ibat Babilonia. Talasulat ya at tune biasa king Kautusan nang Moises a binie na ning Ginu, ing Dios ning Israel. Babie na ning ari ing nanumang aduan nang Ezra uling patnubayan ne ning Ginung Dios na.

Nehemias 2:8

Inawad ku naman king igawa na kung sulat para kang Asaf, ing talaingat king kagubatan ning ari, ban dinan na kung dutung a gamitan para karing pasbul na ning kutang bantayan ning Templo, para karing pader ning siudad, at para king bale a pituknangan ku. Binie na ngan ning ari ing sablang inawad ku, uling mamantabe ya kanaku ing Dios.

Ester 2:12

Pabanua ing reglamentu king pampalagu karing dalaga: anam a bulan ing masahian lang laru ampon mira, at anam a bulan king balsamung laru, at aliwa pang pabanglung pampalagu. Kaybat na nita, liwas-liwas da lang iyarap king Aring Asueru ding dalaga.

Ester 2:3

Mamili kayu pung opisyal king balang probinsia na ning kayarian at idala da la reting mangalagung dalaga king kekayung harem keti king Susa, ing kabiserang siudad. Ipagkatiwala yu la kang Hegai, ing kapun a mamahala karing babai yu, at ibie ing sablang kailangan da ban lalung lunto ing lagu da.

Ester 5:2

Ikit ne ning ari i Reyna Ester at ikua kapanamdaman kabang makatalakad ya karin. Tildu ne kang Ester ing tatalnan nang gintung setro, inya linapit ya king ari i Ester at tigkil ne ing punta ning setro.

Ding Dalit 106:46

Ginawa yang paralan ban ding mekabihag karela lumunus la karela.

Ding Kasebian 16:7

Makaibie tula king Ginu ing mayap a ugali ning tau; pati ing kalaban na maging kakaluguran ne.

Daniel 1:9

At gewa neng maganaka ning Dios i Aspenaz kang Daniel.

Ding Dapat 7:10

Linigtas ne king sablang kaligaligan a delanan na. Binendisyunan ne ning Dios i Jose at dininan neng kabiasnan inyang minarap ya king ari ning Ehipto. Inya tilduan ne ning ari a maging gobernador na ning mabilug a bansa ampon ning palasyu na.