Ester 2:7 - Ing Mayap a Balita Biblia

⁷ Atin yang pisan a dalaga i Mordecai; Ester ing lagyu naHadasa king Hebreo. Malagu ya at balangkinitan a katawan, oneng ala neng pengari. Inampun neng Mordecai antimong tune nang anak i Ester inyang mete la ding pengari na.

Ester 2:7 Iomraidhean Croise

Genesis 48:5

Ngeni kanaku lang ituring anak ku ring adua mung anak a lalaking mibait Ehipto bayu ku dinatang keti. I Efraim at i Manase maging anak ku lang kalupa ra di Ruben at Simeon.

Ester 1:11

Inutus na karela ing idala de i Reyna Vasti; sukat yang makaputung king buntuk na ning reyna ing korona na. Buri neng ipagmaragul ning ari karing bisita na uling tune yang malagu ing reyna.

Ester 2:15

Miras ing oras ban makikit ya i Ester king ari. I Ester, ing anak nang Abihail at pisan nang Mordecai a minampun keya bilang anak na, ala yang inawad nanumang isulud na. Bukud nang tikian ing payu nang Hegai, ing lalaking kapun a mamahala king harem ning ari. Kelaguan la ngan at nayun ding sablang menakit kang Ester.

Ester 2:20

E na pa pigtapat Ester ing lahing penibatan na o ding kamaganak na antimo ing penabilin nang Mordecai keya. Pemintuan na ing penabilin na kalupa ning pamamintu na inyang malati ya pa mu lalam ning lingap na.

Ester 8:1

King aldo mu ring ita, binie nang Aring Asueru kang Reyna Ester ing sablang pibandian nang Haman, ing kalaban da ring Judio. At milapit ne man king ari i Mordecai, uling sinabi nang Ester king kamaganak ne.

Job 31:17

o kaya peintulutan ing aku mangan ku at ding ulila ali la.

Job 31:18

Sinese ke anting pengari na manibat na king anak ya, at manibat king kabait na, kaku yang tiru na.

2 Corinto 6:18

Maging Ibpa yu ku, at maging anak da kayu, ngana ning Ginung Mayupayang tutu.

Efeso 6:4

Ikayung pengari, e yu la dirinan dalan lumaban kekayu ding anak yu; nune sesen yu la king disiplina at aral ning Ginu.

1 Juan 3:1

Lawan yu nung nu anti ing lugud na ning Ibpa kekatamu! Tune na katamung kaluguran, inya mayayaus tamung anak na ning Dios, at king kamatutuanan anak na katamu pin. Ing sangkan nung inya ing yatu e na katamu akikilala ya ini: e ne akilala ing Dios.