Ester 2:10 - Ing Mayap a Balita Biblia

¹⁰ E na pepabalung Ester nung nanung lahi ing penibatan na o nung ninu ding kamaganak na, uling iti ing panabilin a binie nang Mordecai keya.

Ester 2:10 Iomraidhean Croise

Ester 2:11

Labas-labas ya aldo-aldo i Mordecai king patyu ning harem ban abalu na ing kabilian nang Ester at nung nanu ing mapapalyari keya.

Ester 2:20

E na pa pigtapat Ester ing lahing penibatan na o ding kamaganak na antimo ing penabilin nang Mordecai keya. Pemintuan na ing penabilin na kalupa ning pamamintu na inyang malati ya pa mu lalam ning lingap na.

Ester 2:7

Atin yang pisan a dalaga i Mordecai; Ester ing lagyu naHadasa king Hebreo. Malagu ya at balangkinitan a katawan, oneng ala neng pengari. Inampun neng Mordecai antimong tune nang anak i Ester inyang mete la ding pengari na.

Ester 3:8

Kanita na sinabing Haman kang Aring Asueru ing anti kaniti, Atin pung metung a lahi a makakalat king mabilug yung kayarian at atatagpuan la karing balang probinsia. Makayaliwa la ugali at e la bisang mamintu karing kautusan na ning kekayung kayarian. E pu makakayap iti kekayu at king kayarian nung paburen na lang makanyan.

Ester 7:4

Pisali da ku at ding kabalen ku ban paten at lubusan gisanan a lahi. E na ku sana bubulad nung pisali da kami mu ban gawan ipus at e ra na kayu inabala pa, uling agyu ming pibatan ing kasakitan.

Mateo 10:16

Tandanan yu! Tutubud da kayu antimong tupa libutad da ring asung-gubat. Sukat kayung maging matalino antimo ding ubingan, at mamu lub antimo ding patipati.

Efeso 6:1

Ikayung anak, pamintuan yu la ding kekayung pengari. Katungkulan yu iti bilang Cristianu.

Ruth 3:6

Inya minta ya i Ruth ketang lugal nung nu la dadara, at tiparan na ing sablang sinabi na ning katuangan na.