Ester 10:2 - Ing Mayap a Balita Biblia

² Ing upaya na at ing sablang depat nang mayap, pati na ing parangal at pangatas na katungkulan Mordecai, misulat ngan king Librung Istoria da ring Ari ning Media at Persia.

Ester 10:2 Iomraidhean Croise

1 Ari 11:41

Makasulat king Istoria nang Solomon ing bie na, ing depat na, at ing kabiasnan na.

1 Ari 14:19

Makasulat ngan king librung Ing Istoria da ring Ari ning Israel ing sablang depatan nang Jeroboam, nung makananu yang mekigera karing aliwa, at nung makananu neng pemahalan ing kayarian.

1 Ari 22:39

Ing sablang depatan nang Aring Ahab pati na ing garing a palasyung pepagawa na ampon ding siudad a tinatag na, makasulat ngan king librung Ing Istoria ding Ari ning Israel.

Ester 2:23

Pepasiasat na ning ari iting bage at meyakit king tutu pin. Inya binite da la ring aduang taung migtangkang makamate king ari. Misulat iti king opisyal a talaan na ning kayarian.

Ester 6:1

King benging ita, e ya mipatudtud ing ari, inya pepakua ne ing librung pisusulatanan king istoria ning kayarian at binasa de king ari.

Ester 8:15

Kaybat na nita, linual ya king palasyu i Mordecai; makaimalan yang ari a kule asul at maputi, at balabal a mapinung linen at metung a masanting a koronang gintu. Migbiba la ding tau ning Susa king tula ra inyang ikit de.

Ester 8:2

Likas ne ning ari ing singsing nang ating panatak a kinua nang pasibayu kang Haman at binie ne iti kang Mordecai. At tilduan na ne mang Ester i Mordecai bilang katiwala king pibandian a likuan nang Haman.

Ester 9:4

Meging pikabaluan king mabilug a kayarian king i Mordecai metung ya ngening mayupayang tau king palasyu at lalu ya pang meging mayupaya.

Ding Dalit 18:35

King kekang kalasag iningat mu ku't linigtas; iningat mu ku, at gewa mu kung marangal.

Daniel 2:48

Kanita dininan neng matas a katungkulan i Daniel at dininan neng dakal a makapagmulalang regalu; gewa neng talapanibala king probinsia ning Babilonia, at gewa neng pamuntuk da ring tagapayu ning palasyu.