Ester 1:7 - Ing Mayap a Balita Biblia

⁷ Mininum lang alak karing kopang gintu a miyayaliwa tabas. Labis-labis ing mangamal a alak a sidia na ning ari.

Ester 1:7 Iomraidhean Croise

1 Ari 10:21

Gintu la ngan ding sablang kopang piinuman nang Aring Solomon, at megawa la ngan king gintung puru ding sablang kasangkapan ning Bale king Gubat ning Lebanon. Alang kasangkapan a megawa king pilak uling ala yang ulaga ing pilak king kapanaunan nang Solomon.

2 Cronica 9:20

Gintu la ring kopang piinuman nang Aring Solomon, at megawa la king gintung puru ding sablang kasangkapan ning Bale king Kagubatan ning Lebanon. Alang ulaga ing pilak inyang kapanaunan na.

Ester 1:8

Makainum ka anggang bisa ka uling minie yang utus ing ari karing talapagsilbi ning palasyu king dinan da lang alak ding bisita anggang bisa la.

Ester 2:18

Minie yang maragul a bangketi ing ari para karing opisyal na at aliwang pamuntuk bilang parangal kang Ester. Migdeklara yang metung a piesta opisyal king mabilug a kayarian at memie yang dakal at mangamal a regalu karing tau.

Mateo 4:24

Mikalat ing balita tungkul kang Jesus angga king mabilug nang bansa ning Siria, inya ding tau dela ra la kang Jesus ding sablang masakit at ating miyayaliwang kaligaligan: ding ating demonyu, ding sosoning, at ding paralitiko. Pepakayap na la ngan.