Ester 1:6 - Ing Mayap a Balita Biblia

⁶ Makagayak ya ing patyu king asul at maputing kurtinang linen a pakatali king mapinung lubid at argoliang pilak at makasabit la karing asias a marmol. Megawa la king gintu at pilak ding luklukan a ating sandalan. Mosaik ya ing patyu a megawa king porfido, maputing marmol; atin yang maragul at makintab a perlas at mangamal a batu.

Ester 1:6 Iomraidhean Croise

Ester 7:8

Inyang mibalik ya karin ing ari, ikit neng makasakab i Haman king luklukan nung nu ya makasandal ing reyna. Inya nganang migsalitang masikan ning ari, Pati pala ing reynang asawa ku buri neng salbahian king akakit ku at king mismung palasyu ku! Kayari nang migsalita ning ari, tinikma de ring talasuyu na ning ari i Haman at tikpan de lupa.

Ester 8:15

Kaybat na nita, linual ya king palasyu i Mordecai; makaimalan yang ari a kule asul at maputi, at balabal a mapinung linen at metung a masanting a koronang gintu. Migbiba la ding tau ning Susa king tula ra inyang ikit de.

Exodo 26:1

Igawa yu kung Tolda, ing Toldang pituknanganan ku. Gamitanan yeng apulung kapiliegong linen a linala king asul, muradu, at malutung lana. Burdahan yu la karing larawan da ring kerubin.

Ezekiel 23:41

Linukluk la karing malagung sopa at arapan da ya ing lamesang mitmung mayap a bage at pati na ing binie ku karelang insenso at larung olibo.

Amos 2:8

Karing sablang lugal nung nu la sasamba, ing pagkeran da ya ing imalan a singla da karela ding kalulu. King Templo na ning karelang Dios karin da inuman ing alak a kinua ra karing ating utang karela.

Amos 3:12

Ngana ning Ginu, Nung makananung ing metung a pastul ala yang asasagip nune mu ding aduang bitis o kaya metung a balugbug ning tupang piglapak ning leon, makanyan munaman ing malyari karing taung manuknangan king Samaria; mapilan la mu ding mitagan a ngeni taung kera-kera karing malambut a luklukan.

Amos 6:4

Makalunus ing mapalyari kekayung kera-kera karing malambut yung katring belutanan garing, at sawasawang mamangan karing karning biserung tupa at biserung baka.

1 Samuel 28:23

Tinanggi ya at ngana, E ku mangan! Oneng pekisabian deng mayap ding opisyal na at ning babai. Mekiramdam ne man king sinabi ra. Mibangun ya at linukluk king pagkeran.