Ester 1:3 - Ing Mayap a Balita Biblia

³ King katlung banua na ning pamag-ari na, minie yang bangketi para karing sabla nang opisyal at talapamahala. Atyu la ding dakal a sundalus na ning Persia at Media at ding gobernador ampon ding taung kagalang-galang karing probinsia.

Ester 1:3 Iomraidhean Croise

Genesis 40:20

Karas na ning katlung aldo, ing aldo nang beitan ning ari, pigtau na la ngan ding pamuntuk na. Dingut na la karing pamuntuk na ing talapangasiwa king alak na at ing pamuntuk da ring panadero.

1 Ari 3:15

Migising ya i Solomon; akilala na ing pekipagsalitan ne ning Dios king kapamilatan na ning paninap. Mibalik ya Jerusalem at tinalakad ya arap na ning Kaban ning Kasunduan ning Ginu at miyain yang ain-a-durulukan at ain-ning-pamisulusulu king Ginu. Kaybat na nita, migtau yang maragul para karing tauan na.

Ezra 1:2

Aku i Ciro, ing Ari ning Persia, pabalu ku: Ing Ginu, ing Dios ning banua, ya ing minie kanaku karing sablang kayarian keti king yatu at inutus na kanaku ing mitalakad kung Templo karin king Jerusalem ning Juda.

Ester 1:14

Ding kutnanan na ila di Carsena, Setar, Admata, Tarsis, Meres, Marsena, at i Memucan. Ila ding pitung pikabaluan a opisyal na ning Persia at Media; malapit la king ari.

Ester 1:4

Kilub ding dinalan walung pulung aldo pepakit na karela ing pibandian na ning kayarian na at ing labis-labis a kabiayan na.

Ester 2:18

Minie yang maragul a bangketi ing ari para karing opisyal na at aliwang pamuntuk bilang parangal kang Ester. Migdeklara yang metung a piesta opisyal king mabilug a kayarian at memie yang dakal at mangamal a regalu karing tau.

Ester 3:7

King mumunang bulan, ing bulan ning Nisan, ning kalabing aduang banua nang pamag-aring Asueru, minutus ya i Haman a mika aldo-aldong bagutan a ausan dang Pur ban abalu ne ing aldo at bulan a gampanan ya ing tingka nang e ustu laban karing Judio. Ing linual ya ing kalabing atlung aldo ning Adar, ing kalabing aduang bulan.

Isaias 21:2

Menakit kung metung a vision tungkul karing bage mangapalyaring mitmung bigsikan; metung yang tagimpan ning kataksilan at kasiran. Sundalus ning Elam, lumusub ka! Sundalus ning Media, kubkuban mu na la ding siudad! Dinan na nang kawakasan ning Dios ing sablang kasakitan a pepasari na ning Babilonia.

Jeremias 51:11

Ginising na la panamdam ning Ginu ding ari na ning Medes uling pagnasan na ing lasakan ne ing Babilonia. King anti kaniti ne ablasan uli na ning pangalasak na ning Templo na. Ngarang minutus ding mamuntukan king pamaglusub, Itais yu la ding paslu yu! Isadia yu la ding kalasag yu!

Daniel 5:1

Misan, kinumbira na lang Aring Belsazar ding libung marangal a tau king metung a maragul a pamisulusulu, at miyabe-abe lang mininum alak.

Daniel 5:28

PARSIN, mangapitna-pitna ya ing kekayung kayarian at miyabie ya karing tau Media at Persia.

Daniel 6:1

Inari na king lub nang Dario king tuldu yang dinalan aduang pulu katau ban manungkulan bilang gobernador king mabilug nang kayarian.

Daniel 8:20

Ing ikit mung tupang lalaking ating aduang sagu lalarawan na la ding kayarian ning Media at Persia.

Marcos 6:21

Bandang tauli menakit ya mu ring oportunidad i Herodias. Milyari iti inyang i Herodes, king aldo nang kebaitan, kimbiran na la at pigtawan ding sablang mangatas nang opisyal ning gobiernu, ding pamuntuk militar at ding mangarangal nang memalen ning Galilea.