Ester 1:11 - Ing Mayap a Balita Biblia

¹¹ Inutus na karela ing idala de i Reyna Vasti; sukat yang makaputung king buntuk na ning reyna ing korona na. Buri neng ipagmaragul ning ari karing bisita na uling tune yang malagu ing reyna.

Ester 1:11 Iomraidhean Croise

2 Samuel 14:25

King panaun a ita, kasasantingan yang e mu nanu ing mabilug a Israel kang Absalom. Ala lang apintas kang Absalom manibat king buntuk angga na king talampakan na.

Ester 1:12

Oneng e ya mebisang tinuki ing reyna karing kapun a lalaking tubud ning ari. Inya mikalabkab ing mua na ning ari.

Ester 2:17

Mas kaluguran ne ning ari i Ester kesa karing aliwang babai, at tune yang menabu lub keya. Inya kang Ester ne pinutung ing korona at ya ing meging reynang kayalili nang Vasti.

Ding Kasebian 16:9

Ing tau ya ing misip king buri nang daptan, oneng ing Dios ya ing bala king kekang gawan.

Ding Kasebian 31:30

Mapaglinlang ing seksi, kukupas ing lagu, oneng ing babaing ating takut king Ginu sukat yang purian.

1 Samuel 25:3

Nabal ya lagyu ing tau at i Abigail ya ing asawa na. Biasa ya at malagu ing babai, oneng masungit ya at matsura ugali iting lalaking lahi nang Caleb.