Ding Dalit 99:8 - Ing Mayap a Balita Biblia

⁸ O Ginung kekaming Dios, pekibatan mu lang kekang memalen; pepakit mu karela king Dios kang mapamatawad agyamang perusan mu la uling mikasala la.

Ding Dalit 99:8 Iomraidhean Croise

2 Samuel 12:14

Makanyan man, uli na ning depat mung kalapastanganan king Ginu, mate ya ing mibait mung anak a lalaki.

Ding Dalit 78:38

Makanyan man, ing Dios a mapaglunus pepatawaran na la at kinabus. Maralas nang pipigilan ing mua na, at ing kasbu na.

Ding Dalit 89:33

Oneng ing lugud ku kang David e miwakasan; ing pangakung binie ku kakung tuparan.

Exodo 32:2

Nganang mekibat Aaron karela, Palukas yu la ding tinggang gintu a susulud da ring asawa yu, anak a lalaki at babai, at saka yu la idala deti kanaku.

Exodo 34:7

Tutupad ku king pangaku ku karing libu-libung lahi at patawaran ku ing e ustu at kasalanan, oneng siguradu ku lang parusan ding anak da at apu at pati na ding king katlu at kapat a lahi da uli na ning pamikasala ra ding pengari da.

Ecclesiastes 7:29

Oyni ing bukud kung atuklasan: lelang ne ning Dios ing tau para king kaayusan, oneng ing tau ya ing maki pasari king kaguluan.

Jeremias 46:28

Datangan da kayu at iligtas. Lasakan ku la ding sablang bansa nung nu da kayu inugse, oneng e da kayu lubus gisanan. E ku paintulut ing e kayu miparusan; ing parusang karapatdapat ya ing kakung iparala. Aku, ing Ginu, ing migsalita.

Zepania 3:7

Bala ku kanita king mika takut la kanaku ding taung kanakung pinili at tanggapan da na ing kanakung disiplina, king e ra na bitasang kalinguan ing aral a tiru ku karela. Oneng e melambat migbalik la king sadiang dapat dang e mayap.

Ding Bilang 20:12

Pengamanuan na la ning Ginu ri Moises at Aaron. Ngana, Uli na ning e kayu lubus menalig kanaku ban ipakilala ing kabanalan ku king akakit da reting tau, e yu na la malyaring panimunan king paglakbe rang palub king gabun a pengaku kung ibie karela.

Ding Bilang 20:24

E na magluat at mate ne i Aaron. E ya milub king gabun a binie ku karing memalen na ning Israel, uling ya ampon ika e yu tiparan ing utus ku inyang atyu kayu karing danuman na ning Meriba.

Roma 1:21

Balu re ing Dios, oneng e ra babie itang kagalangan a mangaintulid king Dios at e re pasalamatan. Nune meging alang kabaldugan ing karelang pamagmatulid at meralumdum la ding kaisipan dang e makaintindi.

Deuteronomio 3:26

Oneng mua ya kanaku ing Ginu at e na ku peintulutan king uli yu. Nganang mekibat kanaku, Patugut na ka! E mu na kapilan man babanggitan pa kanaku yan!