Ding Dalit 99:5 - Ing Mayap a Balita Biblia

⁵ Purian ya ing Ginung kekatamung Dios; samba kayu arap nang tronu! Banal ya ing Ginu!

Ding Dalit 99:5 Iomraidhean Croise

1 Cronica 28:2

Tinalakad ya i David arapan da at ngana karela, Kapatad ku at kabalen, makiramdam kayu kanaku. Malasakit ku at nasa ing mitalakad metung a bale a pagkabilian na ning Kaban ning Kasunduan ning Ginu at tuknangan na ning Dios. Sidia ku na ing sablang kailangan para kaniti bilang parangal king Dios,

Ding Dalit 107:32

King katipunan ding tau kailangan dang ihayag ing kayupayan na, at king kapulungan ding makatua kailangan da ne mang purian.

Ding Dalit 108:5

O Dios ko, mitas ka pa sana lagpus king banua; king meto yatu ipakit mu na ing kekang ligaya,

Ding Dalit 118:28

Ika ing kakung Dios, at keka pasalamat ku; isalita ku ing kekang degulan.

Ding Dalit 132:7

Ngami, Tara munta tamu king bale ning Ginu; tara samba tamu arap nang tronu!

Ding Dalit 21:13

O Ginu, pakit mung kekang sikanan, magkanta kaming kapurian uli ning kekang kayupayan.

Ding Dalit 34:3

Parangalan yeng abe ku ing Ginu; miyabe-abe ta yang purian ing lagyu na.

Ding Dalit 99:3

Ing lagyu nang maula at makamal ding sabla karela yang purian. Banal ya!

Ding Dalit 99:9

Ing Ginung kekatamung Dios kailangan yang purian; king banal nang bunduk kekatamu yang samban, uling banal ya ing Ginung kekatamung Dios.

Exodo 15:2

Ing Ginu ya ing mayupaya kung talapaglualu, ya ing migligtas kaku. Ya ing kakung Dios, at kaku yang purian; ya ing Dios ding makatua ku, king degulan na pagkanta keng kapurian.

Isaias 12:4

King aldong ita ikanta mu: Pasalamat kayu king Ginu! Maus kayu king lagyu na! Ibalita yu karing sablang bansa ing depat na! Ipamalita yu ban miparangalan ya ing lagyu na!

Isaias 25:1

Ika ing kakung Dios, O Ginu; galangan ke at purian ing lagyu mu. Dinapat kang bage pagmumulalan; king katapatan keka lang tiparan ding planung kekang belangkas king panaun a milabas.

Isaias 66:1

Ngana ning Ginu, Ing banua ya ing kanakung tronu at ing yatu ya ing talpakan ding bitis ku. Uli na niti, nanung klasing bale ing italakad yu para kanaku? Nanu yang uring lugal ing panuknanganan ku?

Hosea 11:7

Pilit lang gugulut kanaku. Saingsing la uli na ning paud a atyu karing batal da, oneng metung man alang sumaup milako kaniti.

Levitico 19:2

Sabian mu karing memalen na ning Israel: Magpakabanal kayu, uling aku, ing Ginung kekayung Dios, banal ku.