Ding Dalit 99:3 - Ing Mayap a Balita Biblia

³ Ing lagyu nang maula at makamal ding sabla karela yang purian. Banal ya!

Ding Dalit 99:3 Iomraidhean Croise

Nehemias 1:5

Ngaku, O Ginung Dios ning Banua, mayupaya ka at gagalgal kami king kekang arapan. Tutuparan mu ing kekang pangaku karetang malugud keka at tutupad karing utus mu.

Nehemias 4:14

Apansinan ku king magugulu la isip ding tau, inya ngakung sinabi karela at karing karelang manimuna ampon pamuntuk, E kayu sukat mitatakutan karing kalaban tamu. E tamu sana kakalinguan king ing Ginu tamu maragul ya at mayupaya. Makilaban tamu para karing kabalen tamu, para karing anak tamu, asawa, at pibalebale.

Nehemias 9:32

Inya, ika, ing kekeng Dios, Dios kang marangal, mayupaya ka, at makapangilabut; tapat tutupad king kekang pangaku. E mu sana lalawan mayan ing digpang kasakitan karing kekeng ari, manimuna, pari, at propeta; karing kekeng makatua, at karing sablang kekang memalen memagkasakit la uli ning pamaniakup da ring ari ning Asiria.

Nehemias 9:5

Kaybat na nita, sinabi da ri Jesua, Kadmiel, Bani, Hasabneia, Serebia, Hodia, Sebania, at i Petahia: Talakad tamu at purian ya ing Ginung kekatamung Dios, purian ya king kapilan pa man! Purian ya ing makaligaya nang lagyu agyang alang amanung kapurian at pamipanuan a malyaring karapatdapat.

Ding Dalit 100:4

Ding pasbul ning Templo na luban yu na la kayabe ing kapasalamatan, at ding patyu na a ating kapurian. Pasalamatan ye at purian.

Ding Dalit 103:1

Purian me ing Ginu, O kaladua ku; mabilug kung pangatau, purian meng banal nang lagyu!

Ding Dalit 111:9

Binie na ing kaligtasan, karing memalen na, at karela ginawa yang alang anggang kasunduan. Banal ya at mayupaya ing lagyu na.

Ding Dalit 145:17

Makatuliran ya ing Ginu king sablang dapat na, at maganaka karing sablang dapat na.

Ding Dalit 66:3

Sabian iti king Dios, Tutu lang makapagmulala ding kekang daraptan! Uling maragul ing kekang kayupayan, inya duruku la't gagalgal arapan mu ding kekang kalaban.

Ding Dalit 76:1

Pikabaluan ya ing Dios king Juda, king Israel lagyu na marangal ya.

Ding Dalit 76:12

Ibaba na lang mayabang a prinsipi, at pamatakutan na la ding marangal a ari.

Isaias 6:3

Ngara king metung at metung: Banal, banal, banal! Banal ya ing Ginung Mayupaya! Mitmu ya ing yatu king ligaya na!

Jeremias 20:11

Oneng ika, Ginu, atyu ka siping ku, masikan ka ampon mayupaya, at detang kaku maglupig mibual la. Mangapakarine lang alang angga, uling e la malyaring magtagumpe. E na makalinguan kapilan man ing karelang kamarinayan.

Juan 17:11

Ngeni munta na ku keka, lakuan ku ne ing yatu, oneng atyu la king yatu. Ibpang Banal, ingatan mu la king kapamilatan na ning upaya ning lagyu mu, ing lagyung binie mu kanaku ban maging metung la mu, antimo ikata metung kata mu.

Deuteronomio 28:58

Nung e yu la pamintuan mitmung katapatan deting kautusan keting librung iti, at e gumalang king makapagmulala at makapangilabut a lagyu ning Ginung kekayung Dios,

Deuteronomio 7:21

Inya e kayu sukat mitatakutan karela, uling atyu libutad yu ing Ginung kekayung Dios, ing mayupaya at ing makapangilabut a Dios.

Josue 24:19

Oneng nganang Josue karing memalen, E ye malyaring asuyuan ing Ginu, uling Dios yang banal at mapangalalu; e na la patawaran ding kekayung kasalanan

Kapahayagan 4:8

Tianam la pakpak ding apat a mabie lelangan; mitmu yang mata kilub at lual ing balang metung karela. Aldo't bengi ala lang tuknang magkanta. Ngara, Banal, banal, banal ya ing Ginung Dios a Mayupaya king sabla, ing Dios napun, ngeni at king daratang a panaun.

1 Samuel 2:2

Alang aliwang banal nune mu ing Ginu; alang aliwang batung santungan a kalupa na ning kekatamung Dios.