Ding Dalit 99:1 - Ing Mayap a Balita Biblia

¹ Ing Ginu mag-ari ya, at ding tau gagalgal la! Makalukluk ya king tronu na babo da ring kerubin; kabang makalukluk ya, ing yatu gagalgal ya.

Ding Dalit 99:1 Iomraidhean Croise

2 Samuel 6:2

Penimunan na la king pamunta ra king Baala ning Juda ban kuanan ya ing Kaban ning Dios a magdala king lagyu ning Ginung Mayupaya; atyu babo ding kerubin ing luklukan na.

1 Cronica 16:30

Galgal ka arapan na, O meto yatu. Wa, ing yatu matatag ya at e ya maugun king kabilian na.

Ding Dalit 18:10

Sinake ya ketang kerubin, at mabilis sinulapo makasake king pakpak ning angin.

Ding Dalit 2:6

King Zion a bunduk kung banal, ing kakung ari karin ke likluk.

Ding Dalit 80:1

Pakiramdaman mu kami, O Pastul ning Israel, pakiramdaman mu kami, ikang pamuntuk ning kekang kawan. Ika a makalukluk king tronu babo da ring kerubin.

Ding Dalit 80:2

Ipakilala mu ing kekang sarili karing tribu nang Efraim, Benjamin, at Manase. Ipakit mu kekami ing kekang sikanan; me keni at iligtas mu ke ngan.

Ding Dalit 82:5

Kamangmangan yo! Ala kayung balu! King karalumduman karin kayu manuknangan, at ing hustisia keti king yatu mewala na.

Ding Dalit 93:1

Ing Ginu ari ya; makagani ya king kamalan at sikanan. Ing yatu matatag ya pundasyun; kapilan man e ya maugun.

Ding Dalit 96:10

Karing sablang bansa sabian yu: Ing Ginu ari ya. Ya ing minie tetagan king yatu, inya e ya numanu; king mitmung katuliran ukuman na lang sablang tau.

Ding Dalit 96:9

King banal a gayak samban ya ing Ginu; galgal ka arapan na, O meto yatu!

Ding Dalit 97:1

Ing Ginu mag-ari ya! O yatu, magsaya ka! Ikong sablang pulu, tumula kayu sa!

Ding Dalit 97:4

Ing kildap na pasalan neng yatu; ing yatu gagalgal ya panakit na.

Exodo 25:22

Karin da ka pakikitan at karin king babo na ning takap, pilatan da ring aduang kerubin, ibie ku la keka ding sablang kautusan ku para karing memalen na ning Israel.

Isaias 19:14

Birian na ning Ginu ing misasalangsangan la payu. Bilang bunga na niti, pane e ustu ing ararapat na ning Ehipto, at anti yang malasing a paid-paid mangatalusad king sarili nang suka.

Jeremias 4:24

Linawe ku la ding bunduk, galgal la; mengari lang duyan ding bunduk-bundukan a yuyuyu ra.

Jeremias 49:21

Potang mibagsak ne ing Edom, mika inge a pasari king pangaugun na ning mabilug a yatu at maramdam ing kulisak ning babala angga na king marayung Dagat ding Timbu.

Jeremias 5:22

Aku ing Ginu, obat ala kayung galang man kanaku? Baket e kayu galgal king arapan ku? Binili ku ing balas anting peka angganan ning dagat, metung a manatiling angganan a e na alipatan. Malyaring malimbuyu ya ing dagat, oneng e ne malyaring lagpus king pampang; malyaring dabungbung masikan ing alun, makanyan man e ne malyaring alipatan.

Jeremias 50:46

Potang mibagsak ne ing Babilon, mika inge a pasari king panga-ugun na ning mabilug a yatu at maramdam ing tangis karing aliwang bansa.

Ezekiel 43:7

Ngana kanaku, Anak ning tau, iti ya ing kanakung tronu at iti ya ing talpakan kung bitis. Iti ya ing maging tuknangan ku libutad da ring Israelita. E da ne lapastanganan pa maging ila o ding karelang ari ing banal kung lagyu king kapamilatan na ning pamanyamba rang idolo o ding bangke da ring karelang mete ari.

Lucas 19:12

Ngana, Ating metung a taung marangal a minta king marayung bansa ba yang magawang ari at kaybat magbalik ya naman.

Lucas 19:14

Tutu ra ne mang kesaman ding memalen na, inya kalako na mitubud lang pekakatawan da ban sabian da, E mi ya buring maging ari ing taung iti.

Lucas 19:27

Ngeni, tungkul naman karetang kalaban kung e maki buri king maging ari ku karela, idala yu la keni at paten yu la king arap ku!

Filipos 2:12

Uli na niti, mal kung kakaluguran, nung makananu yung parating tikian ing sasabian ku kanitang kayabe yu ku pa, lalung maulaga ing pamintuan yu ku ngeni, ngening e yu na ku kayabe. Isundu yu ing pamagobra para king kaligtasan yu a abe ing takut at galgal,

Kapahayagan 11:17

Ngarang sinabi, Pasalamatan da ka, O Ginung Dios a Mayupayang tutu, Dios king milabas a panaun, at ngening salukuyan, uling pepakit mu ing maragul mung upaya at megumpisa na kang mag-ari!

Kapahayagan 20:11

Kaybat na nita, ikit ke ing metung a maragul a tronu'ng maputi at ing makalukluk karin. Mebating la king arapan na ing banua at ing yatu at e na la bitasang meyakit.

Kapahayagan 6:14

Mitda ya ing banua antimo ing librung biglang misara at miyalis la ding bunduk at pulu king lugal da.