Ding Dalit 92:3 - Ing Mayap a Balita Biblia

³ at bagayan karing instrumentong de kuerdas, at sunis ning alpa.

Ding Dalit 92:3 Iomraidhean Croise

1 Cronica 13:8

kabang i David at ding sablang memalen teterak lang alang tuknang ban parangalan ya ing Dios. Migkanta la at tinigtig da la ring karelang lira, alpa, tambul, pompiang, at trumpeta.

1 Cronica 15:16

Inutus na namang David karing manimuna da ring Levita ing mamili la karing kayabe ra a biasang magkanta at tigtig masikan karing instrumentong musika antimo ding alpa, lira, at pompiang.

1 Cronica 23:30

Ila ding talakad neng abak ban munie kapurian at kapasalamatan king Ginu. Makanyan munaman ing daptan da neng bengi,

1 Cronica 25:6

Titigtig la ngan lira, pompiang, at alpa deting labing apat lalam nang pamanimunang tata ra at babagayan dang musika ing kasuyuan pamanyamba king bale ning Ginu. Di Asaf, Jedutun, at i Heman ila ding mamahala karing anak da agpang king utus na ning ari karela.

2 Cronica 20:28

Karas da Jerusalem, linub la king Templo ning Ginu kabang titigtigan da la ring karelang alpa, lira, at trumpeta.

2 Cronica 23:5

ing aliwang katlung dake ya naman ing magbante king palasyu, at ing katlu pang dake ya ing magpuestu king Pundasyun Pasbul Dalan. Mitipun la ding heganaganang tau king patyu ning Templo ning Ginu.

2 Cronica 29:25

Tituk na la king kilub ning Templo ning Ginu ding Levitang ating pompiang, lira, at alpa, uling iti ing inutus nang David kang Gad, ing propeta ning ari, at kang propeta Natan.

Nehemias 12:27

Inyang italaga da ne ing pader na ning Jerusalem inaus da la ngan ding sablang Levita a manuknangan karing miyayaliwang lugal ban makapakiabe la king pamitalaga at king kantang kapasalamatan, at pamagkantang babagayan da ring pompiang, alpa, at lira.

Ding Dalit 149:3

Purian ye ing lagyu na kapamilatan ning pamanerak; manigtigan kayu karing tambul at alpa, at purian ye.

Ding Dalit 33:2

Kayabe ning lira ing Ginu kekayu yang purian, kayabe ding gitara panigtigan ye.

Ding Dalit 42:9

Kakung sabian king Dios a kaku maningat, Obat kelinguan mu ku? Obat manatili keng magpaldas a pasakitan ning kalaban?

Ding Dalit 57:8

Migising ka, O kakung kaladua! Migising ka, kakung alpa at lira! Pati aldo gisingan ku na.

Ding Dalit 68:25

Mumuna la ring talapagkanta, ding musiko tauli la; pilatan da dalaga lang manigtigan pandereta.

Ding Dalit 9:16

King pamanatul na makikilala ya ing Ginu; ding e mayap antimu rin makilala la karing dapat da.

1 Samuel 10:5

Kaybat na nita, munta na ka man king Gibeat Elohim (ngana wari ing Bunduk-bundukan ning Dios); karin atin lang kampu ding Filisteo. At kabang papunta ka king siudad akasalubung me ing metung a grupu da ring propeta a kukuldas ibat king matas a lugal; manigtigan lang alpa, pandereta, plauta, at lira; mistula lang ala king sarili da.