Ding Dalit 85:3 - Ing Mayap a Balita Biblia

³ Leko mu ing sabla mung mua; peparimla mu ing kasbu mung mikakapali.

Ding Dalit 85:3 Iomraidhean Croise

2 Cronica 6:39

kanita pakiramdaman mu la, ken king banuang kekang tuknangan, ing karelang panalangin at pakisabing mayap. Malunus ka sana karela at patawaran mu ing heganaganang kasalanan a depat da keka.

Ding Dalit 106:23

Binalak na ing paten na la, oneng i Moises a talasuyu na tinalakad ya ban mamilatan para karela, at e na belaus ning Dios itang karela buri nang ipagpa.

Ding Dalit 78:38

Makanyan man, ing Dios a mapaglunus pepatawaran na la at kinabus. Maralas nang pipigilan ing mua na, at ing kasbu na.

Exodo 32:22

Nganang mekibat Aaron, E ka sa mimimua kanaku, ika mismu balu mu king makayungyung la king e ustu ding taung deti.

Isaias 12:1

King aldong ita magkanta la ding tau: Pasalamatan da ka, O Ginu! Agyang mimua ka kaku, ngeni pamatulan mu ku at ala na kang mua.

Isaias 40:1

Nganang sasabi ning kekatamung Dios, Paligayan yu la ding taung kakung pinili. Paligayan yu la!

Isaias 40:2

Pasiknangan yu la lub ding memalen ning Jerusalem. Sabian yu karela king labis-labis na ing kasakitan a karelang delanan, at mipatawaran nang karelang kasalanan. Sapat na ing parusa a binie ku karela.

Isaias 6:7

Tigkilan ne ing labi ku king baya at ngana, Tigkilan na na la niti ding kekang labi. Ala na kang kasalanan ngeni at mipatawaran na la.

Jeremias 50:20

Potang datang na ing aldong ita, ala nang mayakit pang kasalanan king Israel at ala nang e mayap king Juda, uling patawaran ku la ding taung tinagan ku bie. Aku, ing Ginu, ing migsalita.

Ezekiel 16:63

Patawaran ku ing sablang kasalanan a depat mu, oneng e mu la kalinguan deti at king dine mu e me man akuang ibuklat ing asbuk mu. Ing Ginung Dios ya ing migsalita.

Jonas 3:9

Mapalyaring alilan na ning Dios ing banta na; mapalyaring e ne mimua kekatamu at e tamu malaus mate!

Mikeas 7:19

Maging mapaglunus kang pasibayu kekami. Damusakan mu la ding kasalanan mi at iyugse mu la king kalalalaman na ning dagat!

Juan 1:29

Kabukasan, ikit neng Juan i Jesus at lalapit ya keya. Nganang Juan, Oyan ing Kordero ning Dios a milalako king kasalanan ning yatu!

Deuteronomio 13:17

Ala kayung nanumang kakuanan karing bage pasira na kekayu ning Ginu ban e ya mibua mua kekayu. Malunus ya kekayu at parakalan na kayu, antimo ing pengaku na karing makatua yu,

Deuteronomio 32:43

Ikong sablang bansa, samban ye ing Ginu da ring taung pinili na; uling detang mekamate karela paparusan na la; sisingilan na la detang kalaban na at patawaran ing kasalanan da ring taung pinili na.