Ding Dalit 82:8 - Ing Mayap a Balita Biblia

⁸ Talakad ka, O Dios, at yatu keka yang atulan, uling ding sablang bansa keka la naman.

Ding Dalit 82:8 Iomraidhean Croise

Ding Dalit 102:13

Talakad ka at lunusan me ing Zion; oras na ban keka yang lunusan; ing takdang panaun miras na ban keka yang sakluluan.

Ding Dalit 12:5

Oneng ngana ning Ginu, Kimut na ku para karing gigipitan dang kalulu, at karing sasaingsing saup karela kakung ibie.

Ding Dalit 2:8

Maniawad ka at ibie ku lang sablang bansa keka; pati na ing mabilug a yatu iyabe mu la king bandi mu.

Ding Dalit 22:28

Uling ing Ginu ari ya, ya ing pamuntuk ding bansa.

Ding Dalit 44:26

Me keni at saupan mu kami! Uli ning lugud mung e kukupas ikami sana kekang iligtas!

Ding Dalit 7:6

Ginu, mibangun ka at mimua, O Dios ko, talakad na ka! Ing mua ding kalaban ku daigan mu, saupan mu ku, ika a patupad king katuliran.

Ding Dalit 76:10

Ing mua ning tau lalu nang daragdagan ing kapurian keka; ding mitatagan king gera pagselebran da lang kekang piesta.

Ding Dalit 94:2

O Ukum ning yatu, talakad na ka at ibie karing palalu ing mangaintulid karela.

Ding Dalit 96:13

potang datang ya ing Ginu ban mag-ari king yatu. Pamahalan no ding sablang tau king alang pamangabiran, at king mitmung katuliran.

Isaias 51:9

Migising ka, Ginu, at saupan mu kami! Gamitan mung kekang upaya at iligtas mu kami; gamitan mu antimo ing king panaun a malambat nang milabas. Ika ing memirasung malati king Rahab, ing dambuala ning dagat.

Mikeas 7:2

Ala nang mitagan a taung malinis a pamibiebie king bansa at ala nang tapat king Dios. Manenaya yang oportunidad ing balang metung ban makamate king kalupa nang tau. Pakirakpan ne ning balang metung ing kabalen na.

Mikeas 7:7

Oneng manaya ku king paniatang na ning Ginu. Manaya kung mitmung tiwala king Dios a magligtas kanaku. Pakiramdaman na ku ning kanakung Dios.

Zepania 3:8

Inya panayan yu ku, nganang sasabi ning Ginu. Panayan ye ing aldo a aku talakad ku at idalum ku la ding bansa. Inari ku na king lub ku ing tipunan ku la ding bansa at ding kayarian ban takman da ing bigsikan na ning kanakung mua. Malasak ya ing mabilug a yatu king kapamilatan na ning milalablab kung mua.

Kapahayagan 11:15

Inyang tiniupan ne ning kapitung anghel ing trumpeta na, ating masikan a siwalang menibat banua. Ngana, Ing pamag-ari king yatu milipat na king kekatamung Ginu at king Cristo na. Mag-ari yang alang kapupusan!