Ding Dalit 81:7 - Ing Mayap a Balita Biblia

⁷ King oras ning kagutgutan kaku minaus ka, at linigtas da ka. Makasalikut ku king duldul kanitang pekibatan da ka, at paniubukan da ka inyang 'tyu ka karing batis ning Meriba.

Ding Dalit 81:7 Iomraidhean Croise

Ding Dalit 50:15

King oras ning kekong kaguluan maus kayu kaku; iligtas da kayu at parangalan yu ku.

Exodo 14:10

Inyang ikit da ring Israelita king ing ari at ding dakal nang sundalung daratang lang palusub karela, mitakutan lang e mu nanu, at kinulisak lang pasaup king Ginu.

Exodo 14:24

Inyang malapit nang ganingaldo linawe ya ing Ginu ibat king asias a api at biga at linawe na la ding sundalus na ning Ehipto, at e ra na balu ing paniaptan da.

Exodo 19:19

Mesikan neng mesikan ing tiup na ning trumpeta. Migsalita ya i Moises, at pekibatan ne ning Dios king kapamilatan ning duldul!

Exodo 2:23

Mapilan pang banua kaybat na nita, mete ya ing ari ning Ehipto at ipus la pa mu rin ding Israelita. E la patugut sasaingsing at maniawad saup uli na ning kasakitan a daralanan da. Miras king Dios ing saingsing da.

Exodo 20:2

Aku ing Ginung kekayung Dios a milual kekayu ibat Ehipto nung nukarin kayu meging ipus.

Exodo 6:6

Inya sabian mu karing Israelita king iti ya ing sasabian ku karela, Aku ing Ginu, iligtas da kayu king kasakitan a daralanan yu karing gamat da ring tau Ehipto. Ilako da kayu king panga-ipus yu karela. Ipagpa ku karela ing bayat ning pamamarusa ku at sagipan da kayu.

Jeremias 16:14

Ngana ning Ginu, Daratang ne ing aldo nung kapilan ding tau e na la sumpa kanaku, ing Dios a mabie a milual karing memalen na ning Israel karin king Ehipto.

Ding Bilang 20:13

Ila deti ring danuman ning Meriba nung nukarin milyari ing pamagreklamu da ring memalen na ning Israel laban king Ginu at nung nu na pepakit ning Ginu ing kabanalan na.

Ding Bilang 20:24

E na magluat at mate ne i Aaron. E ya milub king gabun a binie ku karing memalen na ning Israel, uling ya ampon ika e yu tiparan ing utus ku inyang atyu kayu karing danuman na ning Meriba.

Deuteronomio 33:8

King tribu nang Levi sinabi na: Ginu, ibie mu la kang Levi ding kekang Tumim at Urim ban abalu na ing kekang kaburian. Ding tapat mung talasuyu ila ding Levita, sibukan mu la karin king Massa, at meyakit lang tapat karin king danuman ning Meriba.

Deuteronomio 5:6

Aku ing Ginung kekayung Dios, ing migligtas kekayu king pangayalipan karin king Ehipto.