Ding Dalit 81:3 - Ing Mayap a Balita Biblia

³ Tiupan yu lang trumpeta neng piesta, potang bayu ya ing bulan at neng mabilug ya.

Ding Dalit 81:3 Iomraidhean Croise

2 Ari 4:23

Ngana ning asawang lalaki, Obat pupuntalan me; e naman Piesta ning Bayung Bulan ngeni o Aldo ning Sabbath? Pekibat ning babai, E na bala.

1 Cronica 15:16

Inutus na namang David karing manimuna da ring Levita ing mamili la karing kayabe ra a biasang magkanta at tigtig masikan karing instrumentong musika antimo ding alpa, lira, at pompiang.

1 Cronica 15:19

Pinili da la ri Heman, Asaf, at i Etan ban ila ring tigtig karing tangsung pompiang.

1 Cronica 15:24

Ding tumiup karing trumpeta arap ning Kaban ning Dios ila ding paring di Sebania, Josafat, Netanel, Amasai, Zacarias, Benaia, Eliezer. I Obed Edom at i Jehia ila ding mepili ban magbante king Kaban ning Kasunduan; kayabe da la ri Berekia at Elkana.

1 Cronica 16:42

Ding ating pakibatan karing trumpeta at pompiang ampon aliwa pang intrumentong musikang titigtigan neng magkantang kapasalamatan ila naman di Heman at Jedutun. Ding pamilya nang Jedutun ila ding ating pakibatan king pamag-guardia karing pasbul dalan.

1 Cronica 16:6

Pari la ding tumiup karing trumpeta aldo-aldo king arap ning Kaban ning Kasunduan ning Dios. Ding pari ila di Benaia at Jahaziel.

1 Cronica 25:1

Telaga na lang Aring David at ding manimuna ding Levita deting pamilyang Levita ban manimuna king kasuyuan pamanyamba. Ila deti: i Asaf, Heman, at i Jedutun. Sabian da ing amanu na ning Ginu kabang babagayan da la ring lira, alpa, at pompiang. Oyni ing listahan da ring manimuna king pamanyamba at ing sarasarili dang katungkulan.

2 Cronica 13:12

Inya ngeni kayabe mi ya king pamakilaban. Ya ing pamuntuk mi, at ding pari a kayabe mi munaman ila ding tumiup karing trumpeta da ban misadia kami king pamakilaban kekayu. Memalen ning Israel, e ye sana lalabanan ing Ginu, ing Dios da ring makatua yu, uling e kayu malyaring maniambut!

2 Cronica 13:14

Inyang miglalawe la ding sundalus ning Juda ikit da king atin lang kalaban king arapan da at king kagulutan da. Inya menalangin la ban maniawad saup king Ginu, at ding pari naman tiniupan da la ring trumpeta.

2 Cronica 2:4

Pagawa kung templo para king lagyu na ning Ginu kung Dios. Italaga ke para king Ginu ban pidulukan king mabanglung insenso king arapan na, at dinan tinape aldo-aldo, at ain-a-durulukan neng abak at neng bengi, at neng Aldo ning Sabbath, neng Piesta ning Bayung Bulan, at karing piestang mitakda para king Ginung kekaming Dios. Deti tuntunan lang sukat dang tukian ding Israelita king kapilan pa man.

2 Cronica 5:12

Tinalakad la king dane aslagan ning altar ding Levitang manigtigan a kabilang da ri Asaf, Heman, Jedutun, at ding anak da ampon kamaganak. Makaimalan lang mapinung linen at titigtigan da la ring pompiang, alpa, at lira. Babagayan da la ring dinalan aduang pulung pari king kapamilatan da ring trumpeta da.

2 Cronica 8:13

Ila deti ring ain-a-durulukan a sukat miyain agpang king inutus nang Moises neng Aldo ning Sabbath, neng Piesta ning Bayung Bulan, at ding atlung piesta kilub ning pabanua: ing Piesta ning Tinape Alang Lebadura, ing Piesta ning Pamamupul, at ing Piesta da ring Dalungdung.

Ding Dalit 149:3

Purian ye ing lagyu na kapamilatan ning pamanerak; manigtigan kayu karing tambul at alpa, at purian ye.

Ding Dalit 33:2

Kayabe ning lira ing Ginu kekayu yang purian, kayabe ding gitara panigtigan ye.

Ding Dalit 98:6

Tiupan yo ding trumpeta at tambuli, at kulisak kayung mitmung tula king Ginung ari tamu.

Ding Tagulele 2:6

Linaso ne ing Templong kekatamung pititipunan nung nu ta ya sasamban; ding banal a aldo at ding Sabbath inangganan na na la. Ari at pari parehu dang tikman ing mua nang magdalang bigsikan.

Nahum 1:15

Lawan yu, daratang ya ing tubud babo da ring bunduk; magdala yang mayap a balita! Daratang ne ban ibalita na ing tagumpe! Memalen ning Juda, pagselebran yu la ding kekayung piesta at tuparan ing pangakung penata yu king Dios. E na la lumusub pasibayu king bansa yu ding taung e mayap. Lubus na lang mawala!

Ding Bilang 15:3

munie kayung ain kanaku. Miyain kayung ain-a-durulukan a ibat karing sese yung animal o ain-sakripisyu o ain a sarili yung kusa o ain neng piesta bilang pamanupad king panatang gewa yu. Babie tula kanaku, ing Ginu, ing bau da reting ain.

Ding Bilang 28:11

King mumunang aldo ning balang bulan miyain kayung ain-a-durulukan kanaku, ing Ginu. Ini ing iyain yu: aduang biserung toro, metung a lalaking tupa, at pitung lalaking tupa a pabanua tua. Sukat la ngang alang dipektu.

Deuteronomio 16:15

Magpiesta kayu para king Ginung kekayung Dios kilub ding pitung aldo ketang lugal a pilinan na, uling bendisyunan na ing tenam yu at ing sablang daraptan yu. Inya sukat kayung tumula.

Colosas 2:16

Inya e yu ne paniwalan ing ninumang gagawang tuntunan tungkul king kanan o inuman o tungkul karing aldo dapat pangilinan o tungkul king Piesta ning Bayung Bulan o tungkul king Sabbath.