Ding Dalit 8:5 - Ing Mayap a Balita Biblia

⁵ Makanyan man, lelangan meng halus kapante mu; pitungan meng kamalan at ligaya.

Ding Dalit 8:5 Iomraidhean Croise

Genesis 2:7

Inubug ne ning Ginung Dios ing tau ibat king alikabuk at pengisnawanan ne arung king pangisnawa ning bie, at mika bie ya ing tau.

2 Samuel 14:29

Pepayaus neng Absalom i Joab ban saupan neng makikit king ari, oneng e ya mebisa. Pasibayu neng pepayaus, oneng e ne naman mebisa i Joab.

Job 7:17

Nanu ya wari ing tau para keka? Baket dirinan meng maragul a ulaga, at ing pamisip mu pane makaukul king tau?

Ding Dalit 103:20

Ikong masikan at mayupayang anghel, purian ye ing Ginu, ikong mayupaya at masikanan a mamintu king keyang amanu.

Ding Dalit 103:4

King kamatayan kakabus na ku; ing lugud na't lunus babie na kaku.

Ding Dalit 144:3

Ginu, nanu ya wari ing tau? Ba't keka yang papansinan? Tau ya mu, ba't keka yang gaganakan?

Ding Dalit 45:6

Ing kayarian a kekang tinggap king Dios manatili ya kapilan man. Kayabe ning pamaniakup mu ing katuliran.

Efeso 1:21

Inya atyu lalam nang kayupayan Cristo ing sablang pamaniakup, kapanibalan, kayupayan, at pamamuntukan. Maygit ya upaya ing lagyu na karing sablang lagyu, e mu king panaun a iti nune karing aldo datang.

Hebreo 2:16

Masalang tutu king aliwa ding anghel ding sasaupan na, nune, ketang sasabian na ning Kasulatan, Ding lahi nang Abraham ilang sasaupan na.

Hebreo 2:7

King ditak a panaun gewa meng mababang bagya karing anghel; oneng dininan meng ligaya at dangalan a karapatdapat king metung a ari,

Hebreo 2:9

Oneng ing akakit tamu ya i Jesus a king sinaguling panaun megawang mababang ditak kesa karing anghel. Ngeni akakit ta yang makakorona king ligaya at dangalan uli na ning kamatayan a delanan na. Kaburian na ning Dios king takman yang kamatayan i Jesus para kekatamu ngan.