Ding Dalit 71:3 - Ing Mayap a Balita Biblia

³ Maging anti ka sanang matibe salilungan para kaku, metung a kuta a dipensa ku kapilan man; ika ing kakung salilungan at talaingat.

Ding Dalit 71:3 Iomraidhean Croise

Ding Dalit 144:2

Ya ing kakung kuta at talaingat, ing kakung santungan at talapagligtas; lubus kung tiwala king Ginu, at miligtas ku. Bibili na la lalam kung upaya ding bansa.

Ding Dalit 18:2

Kaku ing Ginu anti yang batung maragul a e mauugun; anti yang pader a matibe a babie kaligtasan. Ing kakung Dios batu ya waring matibe a magdipensa kaku, at anti yang kalasag ku.

Ding Dalit 18:3

Purian ya ing Ginu, ngakung kukulisak, at miligtas ku karing sabla kung kalaban.

Ding Dalit 42:8

Sana lugud nang e kukupas ning Dios aldo-aldo ipakit na ban king kabengian kaku yang pagkanta; ing Dios ning bie ku ya ing dalanginan.

Ding Dalit 44:4

Ika ing Ari ku at Dios ku; ing papagtagumpe king kekang balen.

Ding Dalit 68:28

O Dios, kekang upaya kekami kekang iparala, itang upaya a pepakit mu king panaun a milabasan

Ding Dalit 89:27

Aku naman ibilang keng anak a pangane ku, ya ing mayupayang diling ari ning yatu.

Ding Dalit 90:1

Ginu, ika ing kekeng meging tuknangan karing dakal a panaun a milabasan.

Ding Dalit 91:9

Uling gewa meng salilungan ing Ginu, ing Kakataskatasan a keka maningat.

Ding Kasebian 18:10

Mengari ya ing lagyu ning Ginu king toreng matibe; kambilan ne ing taung banal king oras ning pamangailangan.

Isaias 33:16

Kanita mipala kayu at maging panatag a bili; anti kayu mong atyu kilub na ning matibe kuta. Mika sapat kayung pamangan at danum a inuman.

Ezekiel 9:6

Paten yu la ding matuang lalaki, ding kayanakan a lalaki at babai, ding ima at ding anak. Oneng e ye tatagkilan ing ninumang ating tanda king kanuan na. Magumpisa kayu keting Templo ku. Inya megumpisa la karing makatuang manimuna a pakatalakad kilub ning Templo.

Deuteronomio 33:27

Ing alang anggang Dios ya ing kekang santungan; ding mayupaya nang gamat ilang keka mingat. Ya ing mitabi karing kalaban a atyu king kekang arapan, at keka nganang gingkas, Gisanan mo ngan.