Ding Dalit 69:3 - Ing Mayap a Balita Biblia

³ Mepayo na kung papiglo; melangi na ku akmulan. Mepula na lang kakung mata king pamanayang kasaupan keka.

Ding Dalit 69:3 Iomraidhean Croise

Job 11:20

Manintun lang alang asahan ding taung e mayap, at akilala da ing ala na lang dalanan pang pitakasan. Ing bukud mung kapanayan da sana datang na ing kamatayan.

Job 16:16

Menangis ku angga king melare yang lupa ku, mengalbag lang mata ku; menuling lang talukap ding mata ku.

Ding Dalit 119:123

Mengaslak na lang kakung mata king pamanaya king pamagligtas a pengaku mu kaku.

Ding Dalit 119:82

Mapagal na ku matang manaya king pengaku mu, at ngakung kukutang, Kapilan mu ku kaya saupan?

Ding Dalit 22:15

Anti yang gabun a malangi ing batal ku; mipapakat ya kening telabanua ining dila ku; halus mete ku inyang king alikabuk likuan mu ku.

Ding Dalit 22:2

O Dios ko, aldo't bengi ikang kakung ausan; e ku mipaindatun kening kakung kabilian; obat e mu ku pa pakibatan?

Ding Dalit 25:21

Mananu na sanang ing kakung katapatan at katuliran ilang maging kakung salilungan, uling ika, Ginu, ing kakung panaligan.

Ding Dalit 39:7

Ngeni, O Ginu, nanu mo ing kakung panenayan? Keka ku bibili ing kakung kapanayan.

Ding Dalit 40:3

Binili ne king asbuk ku ing bayung kanta; kanta yang kapurian para king kekatamung Dios. Dakal la ring manakit kaniti at mitakutan la, at manalig la king Ginu.

Ding Dalit 6:6

Mepayo na ku kening kakung pamanangis; balang bengi karing lua ku ulunan mabasa ya, at pati na ing kakung pagkeran.

Ding Dalit 69:21

Inyang danupan ku lasun ing karelang dinuang; inyang mau ku, ing binie ra inuman a maslam.

Ding Dalit 88:7

Ing mua mu kaku tune mabayat, kawangis ning maragul a alun a kaku tatakap.

Isaias 38:14

Ing siwala ku meina at melati, at sinaingsing kung anti ing patipati. Mepagal la ding mata ku king kalalawe king banua. Ginu, iligtas mu ku king kakung problema.

Ding Tagulele 2:11

Mata ku mengaslak la, uli ning luang tutulu karela; ing lub ku saskup ya. Mepagal na ku kening lungkut, uli ning kasiran a dinatang karing kakung kabalen. Ding anak at ding bingut mangaliu la karing dalan ning siudad.

Juan 19:28

Kaybat na nita, balu nang Jesus king meganap na ing sablang bage at ban matupad ya ing kasulatan, sinabi na, Mau ku.

Deuteronomio 28:32

Kuanan da la ring anak yu king akakit yu, at ipamie da la karing aliwang tau. Langi kayu mata king pamanayang ala namang panenayan king pamagbalik da.

Hebreo 5:7

King kekaban na ning bie na king yatu, miyain yang panalangin i Jesus at menigapu yang masikan at menangis arap ning Dios a makapagligtas king kamatayan na. Uli na ning migpakumbaba ya at memintu, pekiramdaman ne ning Dios.