Ding Dalit 6:2 - Ing Mayap a Balita Biblia

² Lunusan mu ku, Ginu, uling sikanan ala ku; Ginu, uluan mu ku sana; mabilug kung katawan masakit ya.

Ding Dalit 6:2 Iomraidhean Croise

Genesis 20:17

Uli nang Sarah a asawa nang Abraham, e na la pepanganakan ning Dios ding babai king pibalebale nang Abimelek. Inya menalangin ya i Abraham king Dios para kang Abimelek, at pepakayapan ne ning Dios i Abimelek, ing asawa na ampon ding ipus nang babai ban mikayanak la.

Job 19:21

Ikong kakung kakaluguran, malunus kayu kaku, uling ing gamat ning Dios digpa ya kaku.

Job 5:18

Uluan na la ding sigatan na; nung king gamat na menamdaman ka, king gamat na naman mipaldan ka.

Ding Dalit 22:14

Ing sikanan ku mebating; ing kalupa na danum a mitugtug king gabun; mengalisia-lisia la sablang kakung butul. Pusu ku anti yang kandila; kilub ning kakung salu malalaso ya.

Ding Dalit 30:2

O Ginung kakung Dios, minaus ku keka, at kakung katawan keka yang pepakayapan.

Ding Dalit 31:10

Bie ku halus kalungkutan ya; king saingsing magigisan ya. Ing sikanan ku mababating uli ning kakung kaligaligan; marurunut pati kakung butul.

Ding Dalit 32:3

Inyang kakung kasalanan e ku kimpisal tutu kung misakitan, at sasaingsing patitingapun.

Ding Dalit 38:2

Kinutkut la kaku ding paslu mu, digpa ya kaku ing gamat mu.

Ding Dalit 38:3

Uli ning mua mu masakit ya mabilug kung katawan; ala kung kapaldanan uli ning depat kung kasalanan.

Ding Dalit 38:7

Malibub ku uli ning mapaling lagnat; balamu ata e na ku kumayap.

Ding Dalit 51:8

Katmuan mu ku king tula at saya; agyamang pepasakitan mu ku't pepalasan, makanyan man tumula kung pasibayu.

Exodo 15:26

Ngana karela, Nung mamintu kayung lubus kanaku at daptan yu itang karapatdapat at tuparan ding kautusan ku, e ra kayu paburen misakitan king isanu pa man karing sakit a pepagpa ku karing tau Ehipto. Aku, ing Ginu, ing babie kapaldanan kekayu.

Jeremias 10:24

Ginu, disiplinahan mo ding taung pinili mu; oneng e mu ke sa igpitan ni paparusan neng mua ka; uling ita na ing maging kawakasan mi.

Jeremias 17:14

Ginu, uluan mu ku at lubus kung kumayap; iligtas mu ku at lubus kung miligtas. Ika ing kakung pupurian!

Hosea 6:1

Ngara ding tau, Tara, magbalik ta na king Ginu! Penasakit na katamu, oneng siguradung uluan na katamu; sinugat na katamu, oneng bendahan na la ding sugat tamu.

Ding Bilang 12:13

Inya menigapu ya i Moises king Ginu. Ngana, O Dios, ipakisabi kung mayap keka king pakayapan me sana i Miriam.

Mateo 4:24

Mikalat ing balita tungkul kang Jesus angga king mabilug nang bansa ning Siria, inya ding tau dela ra la kang Jesus ding sablang masakit at ating miyayaliwang kaligaligan: ding ating demonyu, ding sosoning, at ding paralitiko. Pepakayap na la ngan.

Deuteronomio 32:39

Akit yu ngeni king Aku, ya pin i Aku, at ala nang dios subali kaku. Makamate ku at babie bie; manyugat ku at pakayap karing sugat, at alang makasabat king kakung gamat.