Ding Dalit 59:3 - Ing Mayap a Balita Biblia

³ Buri da kung tambangan deting kalaban; mikampi-kampi la ban aku ing karelang labanan, e uling atin kung kasalanan o pamagkamaling depatan, O Ginu.

Ding Dalit 59:3 Iomraidhean Croise

Ding Dalit 140:2

Parati lang mitatangkang e mayap; ing pamipate ya ing karelang kapad.

Ding Dalit 2:2

Ari keting yatu abe-abe la, at e mayap ing buri da; karelang mamuntukan mipupulung la; ing Ginu ya'ng buri dang labanan at ing aring pinili na.

Ding Dalit 38:12

Yuyumang do kaku ding silu da, kaku kamatayan ing nasa ra; detang bisang makapanasakit kaku pisasabian da ing kasiran ku; patitingapun katraydulan ing karelang babalakan.

Ding Dalit 56:6

Miyabe-abe lang manenaya ban aku ing karelang tambangan; parati rang lalawan ing kakung gagawan.

Ding Dalit 69:4

Ding mua kaku agyang ala lang asangkan mas marakal la kesa king kakung buak. Ding kalaban kung malaram buri da kung paten, at tutu la ngan masikan. Pilit dang pasubli kaku ing pibandian a e ku naman penako.

Ding Kasebian 12:6

Makamate la ding sasabian na ning taung e mayap, oneng magligtas la ding king taung mayap.

Ding Kasebian 24:15

E me pakiapusan ing taung e mayap a magnasang luban ne pibalebale ing taung matulid at saka ne panakawanan.

Mikeas 7:2

Ala nang mitagan a taung malinis a pamibiebie king bansa at ala nang tapat king Dios. Manenaya yang oportunidad ing balang metung ban makamate king kalupa nang tau. Pakirakpan ne ning balang metung ing kabalen na.

Juan 15:25

Iti mepalyari ban matupad ing amanung makasulat king karelang Kautusan: Pikasaman da kung alang sangkan.

Ding Dapat 23:21

Oneng e yu la pu pakiramdam, uling atin pung maygit apat apulung lalaking makayabat lihim manenayang manambang keya. Menata la pung e mangan at minum nanuman anggang e re akuang apate i bapa ku. Makasadia ra na pung daptan iti at panenayan da mu ing magdesisyun kayu.

1 Samuel 19:1

Misan sinabi nang Saul kang Jonatan a anak na at karing opisyal na king buri neng paten i David. Oneng kaluguran neng Jonatan i David.

1 Samuel 24:11

Lawan ye, O Makamal a Ari, ing laylayan ning balabal yu. Pinutut ke ing laylayan ning balabal yu; e ra na ko man ninanan ban abalu yu at akit king ala kung depat a e ustu o kataksilan a isipan laban kekayu. E ku mikasala kekayu agyamang panintunan yu ku ba yu kung paten. E ra na ko man ninanan.(24:11)

1 Samuel 24:17

Ngana kang David, Maygit ka pang makatuliran kesa kanaku; mayap ing inablas mu kanaku samantalang e mayap ing inablas ku keka.

1 Samuel 26:18

Obat pakirakpan ne ning makamal a ari ing talasuyu na? Nanu pu wari ing gewa ku o pamikasala ku?