Ding Dalit 4:7 - Ing Mayap a Balita Biblia

⁷ Ing lalung maragul a tula binie mu king pusu ku; maygit yang e palak king tulang kakamtan da detang labis-labis a kakanan at inuman.

Ding Dalit 4:7 Iomraidhean Croise

Ding Dalit 31:17

Ginu, keka mamaus ku; e mu ku paburen mabibigu! Ding sukat tanggap kabiguan at mipatahimikan king kutkutan ila detang darapat e ustu.

Ding Dalit 37:4

King Ginu panintunan ing tula a buri mu, at ibie na kapagnasan ning kekang pusu.

Ding Dalit 43:4

Karin ketang altar mu, O Dios, lumapit ku; ikang babie kaku king tulang e mu nanu; tigtigan keng alpa at purian da ka, O Dios a kakung Dios.

Ding Dalit 67:2

ban ing sablang melalang abalu na ing kekang kaburian, at ing babie mung kaligtasan.

Ding Dalit 80:4

O Ginung Dios a Mayupaya, angga kapilan mu la kamuan ding panalangin da ring tau keka?

Ding Dalit 92:4

Ding dapat mu, O Ginu, paligayan da ku; uli ding dapat ding gamat mu king tula mipapakanta ku.

Ing Malagung Diling Kanta 1:4

Kuanan mu ku at ituki; magmalagua kata, ika ing ari ku at king kuartu mu karin mu ku idala. Tamasan ta ikatang adua ing ligaya. Paintulut mung kakung takman ing lugud mung maniaman a maygit king alak a inuman. Matulid ing malsinta la keka ding sablang dalaga.

Isaias 9:3

Maragul a tula ing binie mu karela, O Ginu, meging maligaya ing bie ra king uli mu. Matula la king mayap a depat mu karela antimo ing tula da ring tau neng titipunan da ing pupul da o neng pipapartian da ing pibandian a ikua da.

Jeremias 48:33

Mebating ing tula at ligaya king mataba nang gabun ning Moab. E na mamagus ing alak karing pipapaslan ubas; ala nang gagawang alak at kukulisak king tula.

Ding Bilang 6:25

aslagan na kayu sana ning Ginu king ganaka na, at maging malam ya kekayu.

Ding Dapat 14:17

Makanyan man dininan na kayung masalang tanda tungkul king sarili na king kapamilatan da ring mayap a bage daraptan na kekayu; dirinan na kayung uran ibat banua at ya ing babie bunga karing tanaman yu king karampatan a panaun; ya ing babie pagkabie at mangatmung tula kekayu.

1 Pedro 1:8

Kaluguran ye agyamang e ye pa ikit. Paniwalan ye agyamang king kasalukuyan e ye akakit. Inya mipaligayan kayu king maragul a tula a e na alarawan ning amanu na ning tau.

Ukum 9:27

Minta la ngan king karelang ubasan at menagtal lang ubas; ginawa lang alak at migsaya la. Linub la king templo da ring karelang dios, at karin la mengan at minum ampon pituya-tuya i Abimelek.