Ding Dalit 32:9 - Ing Mayap a Balita Biblia

⁹ E ka sa mangari king kabayu o king asno a alang pamisip a malino; mangailangan lang paket at renda ban mamintu la keka.

Ding Dalit 32:9 Iomraidhean Croise

Job 30:11

Uling ing Dios gewa na kung maina at ala nang akarapat, lubus-lubusan da ing bigsikan da nung arapan da ku.

Job 35:11

E re lalapitan ing Dios a babie kabiasnan kekatamu, kabiasnan a maygit kesa karing animal o ayup.

Job 41:13

Ala metung man ing makalako king panlual nang susulud o makatandus king makapal nang balat.

Ding Kasebian 26:3

Ing latiku para king kabayu ya, ing paket para king asno ne man, at ing barug para king tau ne mang mangmang.

Jeremias 31:18

Daramdaman ku la ding memalen ning Israel a magsalitang mitmung lungkut. Ngara, Ginu, mengari kami karing malyap at alang isip a toro, oneng tiru mu kaming maging mapamintu. Ibalik mu kami; makasadia kaming mibalik keka, ing Ginung kekeng Dios.

Jeremias 4:22

Ngana ning Ginu, Kamangmangan da pala ding taung kakung pinili; e ra ku akikilala. Mengari la karing anak a alang balu; ala la pang aintindian. Kagaling da king pamaniapat e mayap, oneng ala lang bitasang balu king pamaniapat mayap!

Santiago 3:3

Dirinan ta yang paket king asbuk ing kabayu ban apatukian ta ya king buri tamu, at ban apapuntan ta ya king direksyun a buri tamu.