Ding Dalit 32:3 - Ing Mayap a Balita Biblia

³ Inyang kakung kasalanan e ku kimpisal tutu kung misakitan, at sasaingsing patitingapun.

Ding Dalit 32:3 Iomraidhean Croise

2 Samuel 11:27

Inyang meyari na ing pamagpaldas na, peparakit neng David at dela re king palasyu. Meging asawa neng David at menganak yang metung a lalaki. Oneng e ya matula ing Ginu king depat nang David.

Job 3:24

Bukud na mung pangisnawang saldak ing kakung pamangan, at anting danum a mamagus ing kakung saingsing.

Job 30:17

Karas ning bengi kakung butul mangirut la; itang sakit a ngangatngat kaku alang paynawa.

Job 30:30

Manuling at mangasugat ining kakung balat; katawan ku mibabaya ne man king lagnat.

Ding Dalit 22:1

Dios ko, Dios ko, baket pepaburen mu ku? Baket meko kang marayu at saup kaku pigkaimut mu?

Ding Dalit 38:3

Uli ning mua mu masakit ya mabilug kung katawan; ala kung kapaldanan uli ning depat kung kasalanan.

Ding Dalit 38:8

Pata ku panamdam, at lubus na kung meina; sasaingsing ku uli ning kaplas ning lub ku.

Ding Dalit 51:8

Katmuan mu ku king tula at saya; agyamang pepasakitan mu ku't pepalasan, makanyan man tumula kung pasibayu.

Ding Dalit 6:2

Lunusan mu ku, Ginu, uling sikanan ala ku; Ginu, uluan mu ku sana; mabilug kung katawan masakit ya.

Ding Kasebian 17:22

Panulu king bie ing masaya ka lupa, oneng ing malungkut tunggal ditak papaten na ka.

Ding Kasebian 28:13

Itang misasalikut king pamikasala na e ya magtagumpe king pamibiebie na, oneng itang pagtapat na la't sisisian tanggap yang kapatawaran.

Isaias 51:20

At king suluk ning balang dalan miragsa lang kekang memalen uli ning mangaina la; mengari lang usa a merakap king lambat ning maniakap. Atakman da na ing bigsikan na ning mua ning Dios.

Isaias 57:17

Mimua ku pin karela uli na ning karelang pamikasala at kasakiman. Inya king mua ku perusan ku la at gilutan. Oneng masias la buntuk at sindu ra ing sarili dang kaburian.

Isaias 59:11

Mitatakutan kami at maliligalig. Pagnasan mi naman ing iligtas na kami ning Dios king pangagipit at king e ustu, oneng alang malilyari.

Ding Tagulele 1:3

Ding memalen ning Juda ipus lang alang akarapat, uling bihag la at mitabi king tuknangan dang lugal. Karing aliwang bansa la menuknangan; ala nang ayaus sarili dang tuknangan. Makakubkub la karing kalaban, at ing pamanakas masakit dang gawan.

Ding Tagulele 3:4

Likuan neng daraya at makabuklat ing kakung laman at sugat; pemakli na pati kakung butul.

Ding Tagulele 3:8

Mamaus kung masikan; maniad kasaupan, oneng ing Dios e na ku pakiramdaman.

Hosea 7:14

Ngungulangul lang manangis karing karelang pagkeran, oneng e la manalangin taimtim kanaku. Paniugatan da la ring karelang katawan kalupa da ring paganu neng manalangin lang para pamangan at alak, makanyan man lalaban la kanaku.

1 Samuel 31:13

Kaybat kinua ra la ding butul at kitkut da la lalam ning tanaman a tamarisko karin king Jabes, at saka la mig-ayunu kilub ding pitung aldo.