Ding Dalit 3:3 - Ing Mayap a Balita Biblia

³ Oneng ika, O Ginu, ing kalasag ku, ika ing babie tagumpe kaku; babalik mu kaku ing sikanan lub.

Ding Dalit 3:3 Iomraidhean Croise

Genesis 15:1

Kaybat na nita, dimdam neng migsalitang Abram ing Ginu king kapamilatan na ning metung a vision. Ngana, E ka tatakut Abram! Aku ing kekang kambilan at maragul ing galal a ibie ku keka.

Genesis 40:13

Patawaran na na ka ning ari kilub ding atlung aldo at ibalik na ka king sadia mung obra. Pasibayu meng pagsadiang alak ing ari kalupa na ning sadia mung gagawan.

2 Ari 18:30

E ye paniwalan agyang pang sabian nang iligtas na kayu ning Ginu o e na ipaintulut ning Ginu ing manabu ya karing gamat ku ing siudad yu.

2 Ari 18:32

angga na king idala na kayu king bansa a kalupa na ning kekayu ban karin na kayu manuknangan. Karin ating mulahan ubas at makainum kayung alak, at ating arina ban makapangan kayung tinape. Lugal de iti ring tanaman a olibo, larung olibo, at ning pulut-panilan. E kayu mate, nung makiramdam kayu kanaku. E ye pakiramdaman i Hezekia uling lilinlangan na kayu mu neng sasabian nang iligtas na kayu ning Ginu.

2 Ari 25:27

Kanitang banuang meging ari ya i Evilmerodak king Babilonia, pepakit yang ganaka kang Aring Jeoiakin ning Juda king kapamilatan na ning pamaglual na kang Jeoiakin king sukulan. Milyari ita kanitang kadua nang pulu't pitung aldo ning kalabing adua nang bulan ning katlu nang pulu't pitung banua nang pangabihag Jeoiakin.

Ding Dalit 110:7

Minum ya king batis lele na ning dalan; mibawi ya sikanan at king labanan tagumpe akua na.

Ding Dalit 119:114

Ika ing kakung salikutan at kambilan; ing kekang pangaku yang kakung pagkatiwalan.

Ding Dalit 18:2

Kaku ing Ginu anti yang batung maragul a e mauugun; anti yang pader a matibe a babie kaligtasan. Ing kakung Dios batu ya waring matibe a magdipensa kaku, at anti yang kalasag ku.

Ding Dalit 27:6

Inya kaku lang sambutan makapadurut a kalaban, at iyain kilub ning Templo na ain at matulang kulisak; pagkanta ke at purian ing Ginu!

Ding Dalit 28:7

Ing Ginu ya ing kakung kalasag at sikanan, ya ing bukud kung pagkatiwalan, inya manakit kung kasaupan; masaya ku at pagkanta keng kapasalamatan.

Ding Dalit 4:3

Ganakan yu king makapaygit la ding tapat king Ginu; neng mamaus ku pakiramdaman na ku ning Ginu.

Ding Dalit 62:7

King Dios makatalakad ing kakung kaligtasan at dangalan; ya ing mayupaya kung talapagligtas; ing Dios ya ing kakung salilungan.

Ding Dalit 84:11

Ing Ginung Dios ya ing kekatamung kalasag at aring marangal; dininan na katamung ganaka. Ala yang pagkaimut a bage mayap karetang lalakad king daklat na.

Isaias 45:25

Aku, ing Ginu, kaku lang iligtas ding sablang lahi nang Israel, at kaybat aku ing purian da.

Isaias 60:19

E mu ne maging sulu ing aldo king kayaldawan o ing bulan neng kabengian. Aku, ing Ginu, ing maging sulu mung alang kapupusan; ing sala ning kakung ligaya ya ing sunlag keka.

Lucas 2:32

Metung a sala a pakilala king kekang dalan karing paganu, at munie dangalan king Israel a kekang balen.

Deuteronomio 33:29

Kapalad mo, O Israel, ala kang kalupa! Bansa kang ing Ginu ya ing migligtas keka; ya ing kekang kalasag at sandata ban king labanan maniambut ka. Lumapit la keka ding kalaban ban sumuku, at keka lang pandamusakan.

Kapahayagan 21:11

Maslag ya iti uli na ning kaligayan na ning Dios; kikislap yang anting maulagang batu, anting haspe at malino yang anti ing kristal.

Kapahayagan 21:23

E ne kailangan ing aldo o bulan ban aslagan ne ing siudad uling saslag karin ing ligaya na ning Dios at ing Kordero ya ing sulu.