Ding Dalit 26:8 - Ing Mayap a Balita Biblia

⁸ Kaluguran ke ing Templo mung tuknangan, at ing lugal ning kekang kaligayan.

Ding Dalit 26:8 Iomraidhean Croise

2 Samuel 15:25

Kanita nganang David kang Zadok, Ibalik yu ne king siudad ing Kaban ning Kasunduan. Nung katanggap-tanggap ku pa king Ginu, ibalik na ku at akit keng pasibayu ing Kaban at ing pagkabilian na.

1 Cronica 29:3

Subali pa kareti, babie ku ing sarili kung atipun a gintu at pilak uli na ning maragul kung kapagnasan a mitalakad ya ing bale ning Dios.

2 Cronica 5:14

Inya e ra agampanan ding pari ing karelang katungkulan uling mengatmu ya ing Templo ning Dios king ligaya na ning pangayatyu na.

2 Cronica 7:1

Inyang ayari na neng Aring Solomon ing panalangin, tinipang ibat banua ing api at silaban na ing ain-a-durulukan at ing aliwa pang ain. At kinatmu ya ing Templo king makasilo nang aslag ning pangayatyu na ning Ginu.

2 Cronica 7:2

E la makalub ding pari king Templo ning Ginu uli na ning makasilo nang aslag ning panga-atyu ning Ginu.

Ding Dalit 122:9

King uli ning Templo ning Ginung kekatamung Dios penalangin ku ing kekang kasaplalan.

Ding Dalit 42:4

Saskup ya ing salu ku potang ing panaun a milabas agaganaka ku, lalung-lalu na inyang kayabe lang taung dakal ing bale ning Dios yang kekeng pintan, kabang masaya lang kukulisak, at pasalamat ding taung tatagun king kapiestan.

Ding Dalit 84:10

Ing metung a aldo kilub ning Templo mu maygit ya kesa king libung aldo nukarin man. Mas buri ku ing maging bante kung pasbul king Templo mu kesa king manuknangan ku karing palasyu da ring e mayap a tau.

Isaias 38:20

Ginu, ikang pepakayap kaku! Tigtigan mi lang alpa, at ikanta ing kapurian keka. Magkanta kaming kapurian king kekang Templo king kekaban ning bie mi.

Isaias 38:22

Kanita kitang na ning Aring Hezekia, Nanung tanda ing aibie mu king aku malyari ku pang milub king Templo ning Ginu?

Ezekiel 3:12

Kanita tinas na ku ning espiritu na ning Dios at dimdam ke ing dabeung ning masikan a siwala. Ngana, Purian ing ligaya na ning Ginu king banua!

Lucas 2:46

King katlung aldo, ikit de kilub ning Templo; makalukluk yang kayabe da ring Judio a talaturu, makiramdam ya at mangutang karela.

Lucas 2:49

Pekibat na karela, Baket penintun yu ku? E yu wari balu king kailangan kung atyu king bale nang Ibpa ko?