Ding Dalit 26:3 - Ing Mayap a Balita Biblia

³ Ing lugud mung e kukupas e ku kakalinguan at mibiebie ku king kekang katutuan.

Ding Dalit 26:3 Iomraidhean Croise

2 Ari 20:3

Ngana, O Ginu, e mu sana kakalinguan king siyuan da kang mitmung katapatan at kalausan a lub, king parati kung magkapilit gawan itang buri mung pagawa kanaku. At menangis yang kapait-paitan.

Ding Dalit 101:2

King dalan ning kabanalan karin ku dumalan. O Ginu, kapilan mu ku kaya datangan? Mibiebie kung alang kapintasan king mismung kakung tuknangan.

Ding Dalit 119:142

Ing kekang katuliran manatili kapilan man; kapilan man ing kekang kautusan tune katutuan.

Ding Dalit 25:5

Ituru mu ku at tairan king kekang katutuan, uling ika ing kakung Dios at kaligtasan; patitingapun ikang kakung panayan.

Ding Dalit 52:1

O taung magkakalalake, ba't kekang pagmaragul ing e mayap a depat mu? Tapat ya ing Dios king kapilan pa man.

Ding Dalit 86:11

O Ginu, ituru mu ing buri mung parapat kaku, at pamintuan da kang mitmung katapatan; ituru mu kung sumuyu keka king taimtim a pilubluban.

Isaias 2:5

Inya, ikong lahi nang Jacob, munta kayu keni at lumakad tamu king sala a babie na ning Ginu kekatamu!

Isaias 8:20

Ipakibat yu naman karela, Makiramdam kayu king nanumang tuturu na kekayu ning Ginu! E kayu makiramdam karing makipagsalita karing espiritu da ring mete. Ala kayung akua king nanumang sabian da kekayu.

Lucas 6:36

Maging malunusan kayu, nung makananu yang malunusan i Ibpa yu.

Juan 14:6

Pekibat nang Jesus, Aku ing dalan, ing katutuan, at ing bie. Alang malyaring miras king Ibpa nung e mu king kapamilatan ku.

2 Corinto 3:18

At ngening milako ne ing takap karing lupa tamu, itamung sabla maging aslag na katamu ning ligaya na ning Ginu. At lalu tamung miwawangis king ligaya na king kapamilatan na ning Ginu, ing Ginu ya ing Espiritu.

2 Corinto 8:9

Balu yu nung nu anti karagul ing lugud na kekatamu ning Ginu tamung Jesu-Cristo. Agyamang mabandi ya, meging pakakalulu ya alang-alang kekayu ban mibandi kayu king kapamilatan na ning kakaluluan na.

Efeso 4:32

Nune, maging maganaka kayu sana at mapaglunus king metung at metung, at mipapamatawad kayu antimo ing pamamatawad na kekayu ning Dios king kapamilatan nang Cristo.

1 Juan 1:7

Nung mabibie tamu king sala, antimo nung makananung yang atyu king sala, atin tamung pamisasanmetung at ing daya nang Jesus a Anak na lilinisan na katamu king sabla tamung kasalanan.

2 Juan 1:4

Tutu kung matula uling ikit ku la ding mapilan karing kekang anak a mabibie king katutuan, antimo ing inutus na kekatamu ning Ibpa.

3 Juan 1:11

Pakamalan kung kakaluguran, e mu pakiapusan ing e mayap a alimbawa; ing mayap ya ing pakiapusan mu. King Dios ya ing ninumang darapat mayap; ing ninumang darapat e mayap e ne pa ikit ing Dios.