Ding Dalit 26:10 - Ing Mayap a Balita Biblia

¹⁰ karing taung midinatan a gamat king kasalanan, at tatanggap suhul karing gamat dang wanan.

Ding Dalit 26:10 Iomraidhean Croise

Ding Dalit 10:14

Oneng akakit mu, O Ginu, ing kasakitan at kaligaligan, at makasadia kang sumaup. Ing taung alang arapat keka na ipanibala ing sarili na, uling bukud ika ing talasaup da ring ulila.

Ding Dalit 11:2

uling ding taung e mayap sasadia da na lang pana ra; paslu da kakasa da na la ban king karalumduman ibugnus da la para king taung malinis a pilubluban.

Ding Dalit 36:4

Kabang makakera ya king pagkeran na e mayap itang isipan na; pamibiebie na e na buring larinan, ing e mayap e na buring lakuan.

Ding Dalit 52:2

Tatangka mu ing kasiran, ing kekang dila anti yang labahas a mataram; ing sasabian na pane kalaraman.

Exodo 23:8

E kayu tatanggap nanumang suhul, uling bubulagan na la ning suhul ding tau ban e ra akit ing katuliran, at iti ing makapahamak king kasu na ning taung alang kasalanan.

Ding Kasebian 1:16

uling kapad da ing darapat e mayap, at mamalagua lang makamate kalupang tau.

Ding Kasebian 4:16

E la mipatudtud ding taung e mayap anggang e la makagawang e ustung dapat; e la mipaindatun anggang e la mekapanasakit kapanamdaman.

Isaias 33:15

Miligtas kayu nung sabian yu at daptan ing matulid. E yu gagamitan ing upaya yu king pamaglinlang karing pakakalulu at e kayu tatanggap suhul. E kayu makiabe karing magplanung makamate kalupang tau o darapat karing bage a e mayap.

Amos 5:12

Balu ku nung nu la anti karakal at kabayat ding kekong kasalanan. Lulupigan yu la ding mayap a tau, tatanggap kayung suhul at sasabatan yu la ding pakakalulu king pamagkamit dang hustisia karing husgadu.

Mikeas 7:3

Magaling la ngan king pamaniapat e mayap. Maniawad lang suhul ding pamuntuk at ukum. Sasabian na karela ning mayupayang tau ing kaburian na, inya misasapakat la.

Ding Dapat 23:12

Itang kabukasan a abak mipulung la ding aliwang Judio at misangguni tungkul king metung a tangka. Penata ra king e la mangan o minum nanuman anggang e re akuang apate i Pablo.

Deuteronomio 16:19

E ra sukat babaluktut ing hustisia; e la sukat mangabiran o tatanggap suhul, uling ing suhul bubulagan na la mata ding biasa ampon tapat, at ya ing pasari king e ustung kayatulan.

1 Samuel 8:3

Oneng e la memuli kang tata ra nune meging matako la king pikualtan; tinanggap lang suhul at babaluktut da ing katuliran.