Ding Dalit 26:1 - Ing Mayap a Balita Biblia

¹ O Ginu, ibie mung kakung katuliran, uling matulid ing kakung daraptan, at bukud mung ika ing kakung panaligan.

Ding Dalit 26:1 Iomraidhean Croise

2 Ari 20:3

Ngana, O Ginu, e mu sana kakalinguan king siyuan da kang mitmung katapatan at kalausan a lub, king parati kung magkapilit gawan itang buri mung pagawa kanaku. At menangis yang kapait-paitan.

Job 2:3

Ngana ning Ginu kang Satanas, Apansinan mu ne ing talasuyu kung i Job? Ala kang akit kalupa na king yatu. Tau yang alang kapintasan at makatuliran; atin yang takut king Dios at mangilag ya king nanumang e ustu. Ganap pa mu rin ing kasalpantayanan na anti ing sadia agyamang inamun mu kung paintulutan da kang ipahamak me king alang kasangkanan.

Job 4:6

E wari ing takut mu king Dios ya ing kekang tiwala, at ing kalinisan ding dapat mu ila ding kekang kapanayan?

Ding Dalit 121:3

E na paintulut ing mitisud ka; parati yang makagising ing mimingat keka.

Ding Dalit 15:2

Ya itang taung ala kang asabi king keyang pamibiebie, itang darapat king katuliran; itang parating magsalitang katutuan,

Ding Dalit 21:7

Binili ning ari king Ginu ing kapanaligan na, at manatili yang matatag king kapilan pa man, uli ning lugud na't lunus ning Kakataskatasan.

Ding Dalit 25:2

O Dios ko, ika ing kakung panaligan. E mu sa paburen ing sambutan da ku ding kakung kalaban.

Ding Dalit 25:21

Mananu na sanang ing kakung katapatan at katuliran ilang maging kakung salilungan, uling ika, Ginu, ing kakung panaligan.

Ding Dalit 26:11

Oneng aku matulid ing kakung daraptan; lunus ibie mu at ing kaligtasan.

Ding Dalit 28:7

Ing Ginu ya ing kakung kalasag at sikanan, ya ing bukud kung pagkatiwalan, inya manakit kung kasaupan; masaya ku at pagkanta keng kapasalamatan.

Ding Dalit 31:14

Oneng keka ku manalig, O Ginu; kakung sasabian, Ika ing Dios ku.

Ding Dalit 35:24

O Ginu, ibie mu kakung katuliran uling makatuliran ka, at e mu paintulut karing kakung kalaban ing lunto ku karelang kalibakan.

Ding Dalit 37:31

Atyu king pusu na ing kautusan ning Dios; tutuparan na king bie na.

Ding Dalit 4:5

Itang mayap at ustu yang iyain yu, at manalig kayu king Ginu.

Ding Dalit 43:1

O Dios ko, sabian mu king ala kung kasalanan; idipensa mung kakung piamanuan laban karing taung alang Dios a katawan. Iligtas mu ku karing taung mitmung kapamiraitnan, at karing e makatuliran!

Ding Dalit 54:1

O Dios ko, uli ning lagyu mu, iligtas mu ku; idipensa mu ku king kayupayan mu.

Ding Dalit 62:2

Ya ing bukud kung talaingat at talapagligtas; ya ing kuta a kakung dipensa, inya kapilan man e ku numanu balang.

Ding Dalit 62:6

Ya mung bukud ing mimingat at magligtas kaku; ya ing kakung kuta a kakung salilungan, inya e ku bitasang mitakutan.

Ding Dalit 7:8

Ing ukum ding bansa ya ing Ginu. O Ginu, atulan mu ku ketang kakung katuliran, at keyalan kasalanan.

Ding Dalit 94:18

Inyang sinabi ku, Mananabu ku, ing lugud mung alang kupas, O Ginu, agad na kung sepu.

Ding Kasebian 20:7

Mapalad la ding penganak a atin tatang a malinis a pilubluban at darapat king katuliran.

Ding Kasebian 29:25

E mu sa ikakabalisa ing sasabian da ring aliwa tungkul keka; magtiwala ka king Ginu at mipanatag ka.

2 Corinto 1:12

Iti ya ing pagmaragul mi: patutuan na ning pilubluban mi king ing pamakiabe mi karing sabla, lalung-lalu na kekayu, tapat at alang pamagkunwari. Iti uli na ning saup ning Dios at e uli na ning kabiasnan-tau.

Hebreo 10:23

Manatili ta sa king matibe kapanayan a kekatamung sasabian uling ing Dios a mengaku tapat ya.

1 Pedro 1:5

Makapanaya iti para kekayu, ikayung liligtas na ning upaya ning Dios king kapamilatan na ning kasalpantayanan kabang panenayan yu itang kaligtasan a makasadiang mipakilala king kawakasan na ning panaun.

2 Pedro 1:10

Inya, kapatad, lalu kayung magkapilit manatiling matatag king kabilian nung nu na kayu inaus at pinili ning Dios. Kanita kapilan man e kayu malili.

1 Samuel 2:9

Ingatan no ning Ginu ding tapat, oneng ding e mayap mate la libutad ning karalumduman. E na sa pangara ning tau ing sikanan na.

1 Samuel 24:15

Ing Ginu ya nang matul kekatamung adua; balu na ing bage iti at iligtas na ku sana king gamat yu.