Ding Dalit 24:3 - Ing Mayap a Balita Biblia

³ Ninu ing maki katuliran mukiat king bunduk ning Ginu? Ninu ing maki matulid lungub king banal nang Templo?

Ding Dalit 24:3 Iomraidhean Croise

1 Cronica 15:1

Pepagawa yang dakal nang bale i David karin king Siudad nang David. Pepasadia nia naman ing metung a lugal para king Kaban ning Dios at pepatalakad yang tolda para kaniti.

Ding Dalit 15:1

O Ginu, ninu ing malyaring lungub kilub ning Templo mu? Ninu ing karapatdapat manuknangan king Zion a banal mung bunduk-bundukan?

Ding Dalit 2:6

King Zion a bunduk kung banal, ing kakung ari karin ke likluk.

Ding Dalit 65:4

Kaligaya na ning taung kekang pipilinan, at king kekang santuaryu karin me patuknangan. Lubus keng ligaya kilub ning kekang tuknangan; karing bendisyun ning Templo mung banal.

Ding Dalit 68:18

King matas a taluktuk minukiat ya, dakal a bihag lang darala na, tinanggap yang regalu karing taung mig-rebeldi. Ing Ginung Dios karin manuknangan ya.

Ezekiel 44:5

Kanita ngana ning Ginu kanaku, Anak ning tau, pakalawan mu at pakatingiran ing sablang akakit mu at daramdaman, uling sabian ku la ngeni keka ding sablang patakaran at tuntunan tungkul king Templo ku. Pilinan mu lang masalese detang karapatdapat a lungub king Templo at detang e sukat lungub.

Ezekiel 44:9

Inya aku, ing Ginung Dios, sasabian ku king ala nang dayuan a e mesirkunsisyun at ating marinat a isip at pusu ing malyaring milub king Templo, agyang pang dayuan lang mekipamalen na karing memalen na ning Israel.

Levitico 10:3

Nganang migsalitang Moises kang Aaron, Oyan ing amanuan na ning Ginu kanitang sinabi nang Sukat dang kilalanan ding sablang lalapit kanaku king banal ku, at ihayag ku ing kamalan ku arapan da ring tau. Oneng menatili yang e bubulad i Aaron.

Malakias 3:1

Nganang mekibat ning Ginung Mayupaya, Iparala ke ing kanakung tubud ban isadia ne ing dalan para kanaku. At bigla yang datang king Templo na ing Ginung kekayung panintunan. Datang ya ing tubud a buri yung akit at sabian ne ing kakung kasunduan.

Juan 13:36

Nganang kinutang Simon Pedro, Ginu, nu ka munta? Mekibat ya i Jesus, E ka makatuki ngeni kanaku ketang puntalan ku, oneng kaybat makatuki ka.

Juan 20:17

Nganang Jesus kang Maria, E mu ku tatagkilan uling e ku pa pepaitas papunta king Ibpa. Munta ka karing kapatad ku at sabian mu karela king paitas na kung magbalik kang Ibpa ku at Ibpa yu, king Dios ku at king Dios yu.

Hebreo 12:28

Inya pasalamat tamu king Dios uling tinanggap tamung metung a kayarian a e maugun. Pasalamatan ta ya at samban ing Dios a kayabe ing kagalangan at takut; king paralan a tutung makaibie tula keya