Ding Dalit 21:3 - Ing Mayap a Balita Biblia

³ Pigdala meng mayap a bage; pitungan me king koronang gintung dalise.

Ding Dalit 21:3 Iomraidhean Croise

2 Samuel 12:30

Kinua neng David ing koronang gintu a titimbang apat apulu't siam a kilu. Makaputung ya iti king estatuang kikilalanan dang dios a ausan dang Molek. Atin ya iting mal a batung iyas at kinua neng David at kebit ne king korona na. Dakal ing ikua rang pibandian king siudad.

2 Samuel 2:4

Dinatang la king Hebron ding lalaki na ning Juda, at linian deng laru i David bilang ari na ning Juda. Abalitan nang David king ding mengutkut kang Saul ila ring lalaking tau Jabes Gilead,

2 Samuel 5:3

Inya pintalan de ring sablang manimuna ning Israel i Aring David king Hebron at king arapan ning Ginu ginawa ne mang kasunduan karela i David. Linian deng laru i David at ya ing meging ari ning mabilug a Israel.

1 Cronica 20:2

Kinua neng David ing iyas a batung mal a palamuti na ning korona nang gintu ning rebultu nang Molek a kikilalanan dang dios ding Ammonita. Titimbang yang pitung pulu't limang libra iting korona. Kinua neng David iting iyas at kebit ne king korona na. Dakal ya rin ikuang pibandian king siudad.

2 Cronica 6:41

Talakad na ka ngeni, O Ginung Dios, at kayabe ning Kaban ning Kasunduan, ing tanda ning kekang upaya, lungub na ka king Templo at karin na ka manuknangan king kapilan pa man. Bendisyunan mu ing heganaganang daraptan da ring kekang pari, at mananu na sanang ligaya la ding kekang memalen uli na ning kekang kayapan.

Job 41:11

Alang makalaban a e numanu balang; ala metung man king mabilug a yatu.

Ding Dalit 18:18

Lisuban da ku king aldo ning kakung kabiguan; oneng iningat na ku ning Ginu.

Ding Dalit 20:5

Kulisak keng masikan uli ning tagumpe kimtan mu, at ing lagyu ning Ginu ya'ng purian tamu! Ibie na ngan sa ning Ginu sablang kekang aduan.

Ding Dalit 31:19

O Ginu, ing kayapan mu alang kalupa, makasadia para karetang ating takut keka! Balu ding sabla ing kekang ganaka a kekang babie karetang manalig keka.

Ding Dalit 59:10

Kaluguran na ku ning kakung Dios, uli niti, saupan na ku, ban ipakit na lang mesambut ding kakung kalaban.

Roma 11:35

Ninu na ing atin nang aibie nanuman keya ba nang pangaintuliran ing mibayaran?

Roma 2:4

Pota galang payalan mung ulaga ing maragul nang ganaka, pamanupaya, at kapibabatan? E mu wari balu king maganaka ya ing Dios uling pakikuanan na lang apabalik a lub?

Efeso 1:3

Pasalamat tamu king Dios at Ibpa na ning Ginu tamung Jesu-Cristo! Uling dininan na katamung bendisyun a ibat king banua uli na ning kekatamung pangayabe kang Cristo.

Hebreo 2:9

Oneng ing akakit tamu ya i Jesus a king sinaguling panaun megawang mababang ditak kesa karing anghel. Ngeni akakit ta yang makakorona king ligaya at dangalan uli na ning kamatayan a delanan na. Kaburian na ning Dios king takman yang kamatayan i Jesus para kekatamu ngan.

Kapahayagan 19:12

Milalablab ya mata at dakal lang korona ding makaputung king buntuk na. Makasulat ya king katawan na ing lagyu na; oneng ya ing bukud makibalu king kabaldugan na niti.

1 Samuel 16:13

Kanita kinua neng Samuel ing lulanan nang laru at linian ne i David kabang makapadurut la arap na ding kapatad na. Linub ya kang David ing espiritu na ning Ginu manibat na king aldong ita. Meko ya i Samuel at migbalik ya king Rama.