Ding Dalit 2:9 - Ing Mayap a Balita Biblia

⁹ King kekang palupalung bakal keka lang pamaluan, at keka lang pamalbalan anting kuran.

Ding Dalit 2:9 Iomraidhean Croise

Ding Dalit 89:23

Aku ing gumisan karing kalaban na, at gisanan paten ding masama kang David.

Isaias 30:14

Mangabalbal kayung mangalati anti ing kuran; uli na ning milalu ya pangasira ala kang akuang kapirasu mumang kapsa a malyaring gamitan king pamanguang mapaling baya o apanialuk mumang danum king talaga.

Isaias 60:12

Oneng ding bansang e susuyu keka malasak lang lubus.

Jeremias 13:14

Kaybat na nita, pipupugkulan ku la anti ding banga, pengari at anak. E ku malunus karela ni pakit ganaka karela. E na ku malyaring pigilan ning lunus king pamakamate ku karela.

Jeremias 19:11

at sabian karela king ing Ginung Mayupaya sinabi na, Balbalan ku la ding memalen at iting siudad, at maging anti la king mebalbal a banga a e na malyaring malarin pasibayu. Ikutkut da la ring mete ra agyang king Tofet uling ala nang aliwa pang lugal a malyaring pikutkutan da.

Daniel 2:44

King kapanaunan da ring pamuntuk a reta, mitatag yang metung a kayarian a alang kapupusan ing Dios ning banua. E ya malyaring masambut iti, nune lubus na lang lasakan ding kayarian at kaybat na nita, manatili ya kapilan man.

Daniel 2:45

Ikit yu nung makananung ibat king matas menabu ya ing metung a batu a ala namang tinagkil, at nung makananu neng tiran ing estatuang megawa king bakal, tangsu, pila, pilak, at gintu. Ing maragul a Dios sasabian na kekayu, Makamal a Ari, ing mapalyari king daratang a panaun. Selita keng alang kulang at alang labis ing kekayung apaninap, at binie ku kekayu ing tune nang kabaldugan.

Mikeas 5:8

Mikalat la karing bansa; mangari la king leon a manintun pamangan king kagubatan o king pipagpastulan. Maglibutad ya karing kawan; salakayan na la ampon paglapakan at ala nang asahan pang kaligtasan.

Mateo 21:44

Mangapile ya ing ninumang mitakid king batung iti, at mangarunut ya ing ninumang dugpan na ning batung iti.]

Kapahayagan 12:5

At menganak yang metung a lalaki ing babai, oneng ating sinamsam king anak at dela ne king Dios at king tronu na. Ing anak a iti mitalaga yang mag-ari karing sablang bansa king kapamilatan na ning palupalung bakal.

Kapahayagan 19:15

Ating espadang mataram a lulual king asbuk na. Gagamitan ne iti ban ibagsak na la ding bansa. At sakupan na la king kapamilatan na ning palupalung bakal at payagusan na ibat king pipamaslan ubas ing alak na ning mua na ning Dios a Mayupayang tutu.