Ding Dalit 2:6 - Ing Mayap a Balita Biblia

⁶ King Zion a bunduk kung banal, ing kakung ari karin ke likluk.

Ding Dalit 2:6 Iomraidhean Croise

Ding Dalit 45:6

Ing kayarian a kekang tinggap king Dios manatili ya kapilan man. Kayabe ning pamaniakup mu ing katuliran.

Ding Dalit 50:2

Ing Dios saslag ya ibat king Zion, ing siudad a sakdal king leguan.

Ding Dalit 78:68

nune ing lahi nang Juda ya ing pinili na, at ing Bunduk ning Zion a tune nang pakamalan.

Ding Dalit 89:27

Aku naman ibilang keng anak a pangane ku, ya ing mayupayang diling ari ning yatu.

Isaias 55:4

Gewa keng manimuna at komandanti da ring bansa, at kakung pepakit ing kakung kayupayan king kapamilatan na.

Ezekiel 17:22

Iti ya ing sasabian na ning Ginung Dios, Kuanan ke ing pekamatas nang dake ning tanaman a sedro, at kuma kung suli na; itanam ke king matas a bunduk,

Daniel 2:44

King kapanaunan da ring pamuntuk a reta, mitatag yang metung a kayarian a alang kapupusan ing Dios ning banua. E ya malyaring masambut iti, nune lubus na lang lasakan ding kayarian at kaybat na nita, manatili ya kapilan man.

Zacarias 8:3

Magbalik ku Jerusalem, ing banal kung siudad, at manuknangan ku karin. Maging pikabaluan ya bilang tapat a siudad, at mayaus yang banal a bunduk-bundukan ing bunduk-bundukan ning Ginung Mayupaya.

Mateo 28:18

Lepitan na lang Jesus at ngana karela, Miyabie kanaku ing sablang kayupayan karin banua at keti king yatu.

Efeso 1:22

Pepailalam na ning Dios king kayupayan nang Cristo ing sablang bage, at ya ing binili nang pekabuntuk ning iglesia.

Hebreo 12:22

Oneng ikayu ikua yung miras king Bunduk ning Zion, at king siudad ning Dios a mabie, ing maligayang Jerusalem, kayabe da ring e mabilang-bilang a anghel na.

Kapahayagan 14:1

Kanita miglalawe ku at ikit ke ing Kordero; makatalakad ya king Bunduk ning Zion. Kayabe na la ding dinalan apat apulu't apat a libung tau. Makatatak ya karing kanuan da reti ing lagyu na ning Kordero at ing lagyu na ning Ibpa na.