Ding Dalit 2:5 - Ing Mayap a Balita Biblia

⁵ King mua na sabianan na la; tumakut la king bagsik na. Ngana karela,

Ding Dalit 2:5 Iomraidhean Croise

Ding Dalit 109:20

Makanyan na la sanang parusan ning Ginu ding kakung kalaban, ding sablang kaku magsalitang kapanyiran.

Ding Dalit 21:9

Dulukan mu la king milalablab a ornu king aldo a datang ka at palto. At ing Ginu king mua na gisanan na la, at ing api silaban na la ngan.

Isaias 11:4

Atulan na la ding kalulu king alang pamangabiran, at idipensa matulid ding maina. King amanu na miparusan ya ing bansa, at taung e mayap mate la.

Isaias 34:2

Mua ya ing Ginu karing sablang bansa at karing sabla rang sundalung pakasandata. Sildak na ne ing atul a kamatayan.

Isaias 66:6

Makiramdam kayu! Ing inge king siudad, itang alingongo king Templo, ya ing alingongo ning pamamarusa na ning Ginu karing kalaban na!

Zacarias 1:15

Tune kung mua karing bansang magtamasa king katahimikan at kapayapan. Kabang aku mo pipigilan ku ing mua ku karing memalen ku, detang bansang deta lalu da na la mang pepasakitan ding memalen ku.

Mateo 22:7

Mimua ya ing ari at peparala na la ding sundalus na at pepapate na la ding tampalasan at pepasilab ne ing karelang siudad.

Lucas 19:27

Ngeni, tungkul naman karetang kalaban kung e maki buri king maging ari ku karela, idala yu la keni at paten yu la king arap ku!

Kapahayagan 1:16

Atin yang tatalnan a pitung batuin king wanan nang gamat, at lulual ya king asbuk na ing espadang matalas at mingatba taram. At makasilo ya ing lupa na, anti ya king aslag ning aldo neng kaugtuan.

Kapahayagan 19:15

Ating espadang mataram a lulual king asbuk na. Gagamitan ne iti ban ibagsak na la ding bansa. At sakupan na la king kapamilatan na ning palupalung bakal at payagusan na ibat king pipamaslan ubas ing alak na ning mua na ning Dios a Mayupayang tutu.