Ding Dalit 2:4 - Ing Mayap a Balita Biblia

⁴ Ing Ginu naman karin banua, king tronu na makalukluk ya; kailian na la mu king gagawan da.

Ding Dalit 2:4 Iomraidhean Croise

2 Ari 19:21

Nganang sinabi ning Ginu, Senakerib, kaylian na ka ning siudad ning Jerusalem at pisunusunu na ka.

Ding Dalit 11:4

Ing Ginu atyu ya king banal a Templo na, ing tronu na atyu karin banua; mata na king yatu makalawe la, miraras karing sablang tau ing pamaglalawe na.

Ding Dalit 115:3

Ing kekaming Dios atyu karin banua; daraptan na itang buri nang daptan.

Ding Dalit 123:1

Keka yatna ku la dening kakung mata, keka a makalukluk king tronu king banua.

Ding Dalit 37:13

oneng ing Ginu kaylian nia mu, uling akakit nang daratang ing keyang kawakasan.

Ding Dalit 53:5

Oneng king takut galgal lang alang kalupa, uling ing Dios ikalat na la butul ding kalaban ning balen na; tinggian na la ning Dios.

Ding Dalit 59:8

Oneng ika, O Ginu, kaylian mu la mu; e mu la man pansin deting paganu.

Ding Dalit 59:9

Ing sikanan mu yang kakung panaligan; ika ing kakung salilungan, O Dios, inya ika ing kakung purian.

Ding Dalit 68:33

Ing Ginung maglakbe king banua, ing banuang milalu na tua. Oyan! kekayu yang pakiramdaman uling magsalita yang masikan.

Ding Kasebian 1:26

Inya mayli ku potang mika problema kayu; kaylian da kayu potang datangan na kayu ning kapahamakan,

Isaias 40:22

Lelang ne nitang makalukluk king tronu babo ning yatu, at lagpus king banua; anti lang malating panas ding taung atyu king bansa! Lidlad neng banua anting kortina, anting toldang panuknanganan na.

Isaias 57:15

Aku ing matas at banal a Dios a mabie kapilan man. Manuknangan ku king matas at banal a lugal, oneng manuknangan ku munaman libutad da ring taung mapagpakumbaba at sisisi ban abalik ku ing kapanaligan at ing kapanayan da.

Isaias 66:1

Ngana ning Ginu, Ing banua ya ing kanakung tronu at ing yatu ya ing talpakan ding bitis ku. Uli na niti, nanung klasing bale ing italakad yu para kanaku? Nanu yang uring lugal ing panuknanganan ku?