Ding Dalit 2:2 - Ing Mayap a Balita Biblia

² Ari keting yatu abe-abe la, at e mayap ing buri da; karelang mamuntukan mipupulung la; ing Ginu ya'ng buri dang labanan at ing aring pinili na.

Ding Dalit 2:2 Iomraidhean Croise

Ding Dalit 110:5

Atyu banda mung wanan ing Ginu; ding ari daigan na la king aldo a mimua ya.

Ding Dalit 2:10

Inya, ikong ari, magpakabiasa kayu; mingat kayu ngan pamuntuk ning yatu.

Ding Dalit 45:7

Kaluguran mu ing katuliran, at kekang kasaman ing e mayap. Iti ing sangkan nung inya ing Dios a kekang Dios, pinili na ka at dininan dakal a tula kesa karing aring aliwa.

Ding Dalit 48:4

Misan ding ari mitipun la; kaybat miyabe-abe king bunduk linusub la.

Ding Dalit 48:5

Oneng mebigla la inyang karela yang ikit; mitakutan la't meko'ng mirarapal.

Ding Dalit 74:18

Ganakan mu, Ginu, kaylian da ka ding kekang kalaban; ala lang Dios a katawan at ikang karelang pikakasaman.

Ding Dalit 74:23

Ganakan mu ing kukulisak da ring kalaban, itang alang tuknang a alingongo ding kekang kalaban!

Ding Dalit 83:6

ing Edom at ing Ismael, ing Moab at ing Agar,

Ding Dalit 89:20

Gewa keng ari i David a kakung talasuyu, at tigtugan king banal a laru.

Exodo 16:7

at bukas abak akit yu ing kayupayan na. Dimdam na la ring reklamu yu. Wa, laban king Ginu, uling tutuparan mi mu ing pasabi na.

Ding Kasebian 21:30

Alang kabaldugan ing kabiasnan o beluan at ing ating aintindian, nung ing Ginu ya ing kekang pakilabanan.

Isaias 61:1

Kitmuan na ku ning Ginung Dios king espiritu na. Pinili na ku at tinubud ban karing kalulu mayap a balita iyatad ku, ban uluan lang pusung sugatan, ban ihayag karing bihag ing pangaligtas da at ing kalayaan karing atyu king sukulan.

Mateo 2:16

Mimua yang e mu nanu i Herodes inyang abalu nang melinlang ya karing Mangabiasa. Inya pepapate na la ngan ding anak a lalaki karin Betlehem at karing makalapit a lugalding sablang anak a lalaking atin nang aduang banua tua at pababa, agpang king ikua nang ausisa karing Mangabiasa.

Mateo 26:3

Ketang penandit a ita, ding pamuntuk da ring pari at ding makatua na ning balen makatipun la king palasyu nang Caifas, ing Pekapun ding Pari.

Mateo 26:59

Ding pamuntuk da ring pari at ing mabilug a Sanhedrin pilit lang manintun saksing maglaram laban kang Jesus ba reng apapate.

Mateo 27:1

Pangayabak a maranun, pipulung da ring pamuntuk da ring pari at ding makatua na ning balen nung makananu reng apapate i Jesus.

Lucas 13:31

Dinatang la king oras a ita ding mapilan a Pariseo. Ngara kang Jesus, Mako ka keti at manaliwang lugal, uling buri na kang ipapate Herodes.

Juan 1:41

Kanita mu rin penintun neng Andres i Simon a kapatad na. Inyang ikit ne, sinabi na kang Simon, Atagpuan mi ya ing Mesiya (ngana wari, ing Cristo).

Juan 15:23

Ing masama kanaku kasaman nia naman i Ibpa ku.

Juan 3:34

Magsalita ya itang tinubud ning Dios karing amanu na ning Dios, uling ganap neng babie keya ing Espiritu.

Ding Dapat 10:38

Balu yu itang tungkul kang Jesus ning Nazaret; nung makananu neng linanian ning Dios king Banal a Espiritu at king upaya. Uling ing Dios atyu keya minta ya karing sablang lugal darapat mayap at pakayap karing sablang inalipnan na ning diablo.

Ding Dapat 9:4

Miragsa ya king gabun at dimdam ne ing metung a siwala a mamaus keya. Ngana, Saulo, baket liligaligan mu ku?

Hebreo 1:9

Kaluguran mu ing matulid, at pikakasaman mu ing dewakan; inya ing Dios a kekang Dios pinili na ka at dininan king tula ning dangalan a mimigit e palak kesa king binie na karing kekang kayabe.