Ding Dalit 17:3 - Ing Mayap a Balita Biblia

³ Pusu ku balu me; bengi man sisi-siasatan me. Sibukan mu ku at ala kang ikit a e mayap; uling kakung pamagsalita kakung ingatan.

Ding Dalit 17:3 Iomraidhean Croise

1 Cronica 28:9

At ngana kang Solomon, Solomon, anak ku, kilalanan me sana ing Dios nang tata mu at suyuan me king mabilug mung pusu at king kaisipan at king mitmung katapatan, uling asasalugsugan na la ding sabla tamung isipan at kapagnasan. Siguradung akit me, nung panintunan me; nung lakuan me, lakuan na ka naman king kapilan pa man.

1 Cronica 29:17

Balu ku, O Dios, king sasalugsugan me ing pusu at tutula ka karing taung matulid. Iyain ku ngan iti king kusang lub. Ikit kung matula ing kalausan dang lub minie deting taung kekang memalen.

Job 23:10

Oneng balu ning Dios ing balang takbang ning bie ku; nung surian na ku, akit na ing malinis ku.

Job 24:14

Maralumdum pa talakad ne ing taung makamate karing kalulu; karas ning bengi ing pamanako naman ya ing gawan na.

Ding Dalit 11:5

Ding banal at ding makasalanan parehu na lang susurian; oneng kasaman na lang maburing darapat katampalasanan.

Ding Dalit 119:106

Tuparan ke ing masusi kung pangaku: ing mamintu karing makatuliran mung kautusan.

Ding Dalit 139:1

O Ginu, sinuri mu ku at kakilala mu ku!

Ding Dalit 139:23

Surian mu ku, O Dios, at pakibaluan mung isipan ku; subukan mu ku at kilalanan ing kakung isipan.

Ding Dalit 16:7

Ing Ginu kaku yang purian, uling kaku babie yang mayap a dalan ban kakung tuntunan; tatairan neng kakung kaisipan king kapitangan ning kabengian.

Ding Dalit 26:2

Siasatan mu ku, Ginu, at subukan! Lawan mung kakung kapagnasan at kaisipan.

Ding Dalit 39:1

Ngaku king lub ku, Mingat ku king kakung daraptan ban dila ku e ya makarapat kasalanan; asbuk ku kaku yang pigilan kabang kayarap ku lang taung makasalanan.

Ding Dalit 66:10

Ika, O Dios, pinyubukan mu kami anting pilak king api madadalise.

Ding Dalit 7:4

nung wari't inablasan keng e mayap ing tapat kung kaluguran o semantalanan ing kakung kalaban a alang kasalanan,

Ding Kasebian 13:3

Itang maingat king dila na ingatan ne ing bie na; ing bugasuk king sasabian na kasiran ing kararasan na.

Jeremias 12:3

Oneng ika, Ginu, balu mu ku; ing daraptan ku akakit mu at balu mu nung nu anti ing lugud ku keka. Kaladkaran mu la't ilako deting tau anting tupang malapit da nang katatan; banten mu la angga king oras a paten da la.

Jeremias 50:20

Potang datang na ing aldong ita, ala nang mayakit pang kasalanan king Israel at ala nang e mayap king Juda, uling patawaran ku la ding taung tinagan ku bie. Aku, ing Ginu, ing migsalita.

Hosea 7:6

Wa, kayabe na ning lihim dang e mayap a tangka, mikakapali lang anti ing ornu. Anting dapug king kabengian ing karelang mua at mikalabkab pangayabak.

Mikeas 2:1

Makapangilabut ing kararasan da ring kera-kerang e matudtud kabang mibabalak lang e mayap! Kabuklat ning masala, kabud mirinan lang oportunidad, daraptan da itang e mayap a karelang binalak.

Zacarias 13:9

Paniubukan ke ing katlung dake a mitagan at gawan keng puru antimo ing pilak a madadalise king api. Paniubukan ku la antimo nung makananu yang masusubuk ing gintu. Kanita maus la kanaku at pakibatan ku la. Sabian ku karela king ila ding kanakung memalen, at ibalita da king aku ing karelang Dios.

Malakias 3:2

Oneng ninu ing malyaring makapibata king aldo ning paniatang na? Ninu ing malyaring makaligtas potang pakit ne? Mangari ya king matapang a sabun, mangari ya king api a gagawan neng puru ing bakal.

Ding Dapat 11:23

Inyang miras ya karin at ikit na nung makananu na lang dininan grasya ning Dios, metula ya at pinayuhan na la ngan manatiling tune at tapat king Ginu a kayabe na ning mikakalukung lugud.

Ding Dapat 16:9

Kanitang benging ita mika vision ya i Pablo; ikit ne ing metung a tau Macedonia a makisabing mayap keya. Ngana, Taglus ka keni Macedonia at saupan mu kami!

1 Corinto 4:4

Malinis ku konsiensia, oneng e na buring sabian niti king ala kung kakulangan. Ing Ginu ya ing matul kanaku.

2 Corinto 1:12

Iti ya ing pagmaragul mi: patutuan na ning pilubluban mi king ing pamakiabe mi karing sabla, lalung-lalu na kekayu, tapat at alang pamagkunwari. Iti uli na ning saup ning Dios at e uli na ning kabiasnan-tau.

Santiago 3:2

Maralas tamu ngan magkamali. Ninuman ing e bitasang magkamali king sasabian na, tau yang ganap at biasang mamigil king sarili na.

1 Pedro 1:7

Miraras la deti kekayu ban masubuk ing kadalisayan na ning kekayung kasalpantayanan. Agyang ing gintu a malyaring malaso, masusubuk pa naman king api; makanyan munaman, ing kekayung kasalpantayanan a maygit mal kesa king gintu, kailangan masubuk ing katapatan na. Kaybat nang mesubuk at saka menatili ing kasalpantayanan yu, kanita yu ayasahan ing tanggap kapurian, ligaya at dangalan king Aldo a mipakilala ya i Jesu-Cristo.

1 Samuel 24:10

Ngening aldong iti masala yung ikit nung makananu na kayung bildug ning Ginu karing gamat ku kilub ning kueba; buri da ring kanakung tauan king paten da kayu, oneng e ku gewa iti. Sinabi kung e ke malyaring lapastanganan ing panginuan ku, uling ya ing pinili na ning Ginu.

1 Samuel 24:12

Ing Ginu ya ing matul kekatang adua; ya na mung bala kekayu. Oneng e ra kayu malyaring lapastanganan.

1 Samuel 26:11

Oneng e na sana paintulut ning Ginu ing lapastanganan ke ing pinili na! Kuanan nia mu ing tandus na at itang lulanan danum a atyu king kabuntukan na at kaybat mako ta na.

1 Samuel 26:23

Ablasanan neng mayap ning Ginu ing balang taung makatuliran at tapat. King aldong iti binie na kayu kanaku ning Ginu, oneng e ke ninanan ing pinili ning Ginu.