Ding Dalit 16:3 - Ing Mayap a Balita Biblia

³ Deta namang king Ginu tapat marangal la't kalang-alangnan, at karela ligaya ing kakung kakamtan.

Ding Dalit 16:3 Iomraidhean Croise

2 Cronica 6:41

Talakad na ka ngeni, O Ginung Dios, at kayabe ning Kaban ning Kasunduan, ing tanda ning kekang upaya, lungub na ka king Templo at karin na ka manuknangan king kapilan pa man. Bendisyunan mu ing heganaganang daraptan da ring kekang pari, at mananu na sanang ligaya la ding kekang memalen uli na ning kekang kayapan.

Ding Dalit 101:6

Ding taung tapat king Dios ilang kakung pakiabayan; king kakung palasyu paintulutan ku lang manuknangan; detang talagang apagkatiwalan ila mung mipaintulutan aku ing karelang suyuan.

Ding Dalit 116:15

Panamdaman na ning Ginu, nung ing metung karing memalen na mate ya.

Ding Dalit 119:63

Kakaluguran ku la ding sablang susuyu keka, at ding sablang mamintu karing utus mu.

Ding Dalit 122:8

Alang-alang karing kamaganak at kaluguran ku, keka Jerusalem, sabian ku, Ing kapayapan manatili keka!

Ding Dalit 30:4

Pagkanta yang kapurian ing Ginu, ikong sablang tapat! E yu kakalinguan pasalamat king lagyu nang banal!

Ding Kasebian 12:26

Metung yang mayap a alimbawa ing taung banal karing keyang kakaluguran, oneng ing taung e mayap ilili na la ngan king dalan.

Ding Kasebian 13:20

Mabiasa ka nung makiabe ka karing biasa, oneng ing pamakiabe karing mangmang mamungang kaguluan.

Ding Kasebian 8:31

matula ya king yatu at maligaya karing anak da ring tau.

Ing Malagung Diling Kanta 7:10

Bandi na ku ning kakung pakamalan, at aku ing keyang pagnasan.

Isaias 62:4

E na ka pasibayung mayaus Mipaburen; ing bansa mu e ne mipamansagan, Ing Babaing Likuan ning Asawa na. Ing bayu mung lagyu Ing Dios tutula ya Keka! Ing bansa mu mayaus yang Masaya ing Bie nang Talasawa, uling ing Ginu metula ya keka at mangari yang metung a asawa para king kekang bansa.

Malakias 3:17

Ila ding maging taung kanakung bandi, nganang sasabi ning Ginung Mayupaya. King aldo a kimut ku, maging ganap lang kanaku. Pakitanan ku lang lunus nung makananung ing metung a tata papakit yang lunus king anak nang lalaking susuyu kang tata na.

Ding Dapat 9:13

Nganang mekibat Ananias, Ginu, dakal na lang tau ding memalita king taung iti tungkul king sablang makatakut a paniaptan na karing pinili mu karin Jerusalem.

Galacia 6:10

Samantalanan tamu ing sablang oportunidad a makagawa tamung mayap king kalupang tau lalung-lalu na karing kapatad tamu king kasalpantayanan.

Efeso 1:1

Ibat ya iting sulat kang Pablo, ing apostol nang Cristo Jesus, agpang king kaburian na ning Dios. Susulat ke iti para karing kapatad a atyu Efeso, ding tapat a mabibie makayabe kang Cristo Jesus.

Tito 3:8

Deting amanu katutuan la. Buri kung lawan mung masalese iting sablang bage ban ding sablang sasalpantaya king Dios magmalasakit lang gumamit king panaun da king pamaniapat mayap. Uling iti ngan mayap at pakinabangnan da ring tau.

Hebreo 6:10

Uling ing Dios tapat ya; e na kalinguan ing kekayung depat at ing lugud a pepakit yu, at angga man ngeni papakit yu king pamaniuyu yu karing kalupa yung Cristianu.