Ding Dalit 148:1 - Ing Mayap a Balita Biblia

¹ Purian ya ing Ginu! Purian ye ing Ginu manibat ken banua, ikong manuknangan king katasan.

Ding Dalit 148:1 Iomraidhean Croise

Ding Dalit 103:22

Purian ye ing Ginu, ikong sablang lelangan na, king sablang lugal nung nu ya mamuntukan! O kaladua ku, ing Ginu keka yang purian!

Ding Dalit 146:1

Purian ya ing Ginu! Purian me ing Ginu, O kaladua ku!

Ding Dalit 69:34

Banua at yatu, ing Dios kekayu yang purian; dagat at sablang atyu lelangan na, purian ye munaman.

Ding Dalit 89:5

Ding banua sasabian da la, O Ginu, ding makapagmulalang dapat mu; ing katipunan ding kekang banal sasabian da ing kekang katapatan.

Isaias 49:13

Magkanta kayu, ikong banua! Yatu, kulisak ka king tula! Paburen lang magkantang masikan ding bunduk! Pamatulan na la ning Ginu ding taung pinili na; malunus ya king karelang kasakitan.

Mateo 21:9

Ding tutung dakal a taung lalakad makauna kang Jesus at ding atyu king kagulutan na sinabi rang masikan: Purian ya ing Anak nang David! Bendisyunan ne sa ning Dios ing daratang king lagyu na ning Ginu! Purian ya ing Dios!