Ding Dalit 146:4 - Ing Mayap a Balita Biblia

⁴ Kamate ra magbalik la king alikabuk, at king aldong ita ing sablang balak dang gawan miyangganan.

Ding Dalit 146:4 Iomraidhean Croise

Genesis 2:7

Inubug ne ning Ginung Dios ing tau ibat king alikabuk at pengisnawanan ne arung king pangisnawa ning bie, at mika bie ya ing tau.

Genesis 3:19

Mika pamangan ka kapamilatan na ning tulu ning pawas mu angga king magbalik ka king gabun nung nu ka ibat, uling king gabun ka ibat, king gabun ka naman mibalik.

Genesis 6:17

Malapit ku neng ipalbug ing yatu king danum ban paten ing sablang melalang a mabie king yatu; mate ing sablang atyu king yatu.

Job 14:10

Oneng potang ing tau mate ya, at ikutkut king malalam; ita na ing angganan na. Nu ya pa karin kanita?

Job 14:21

Tanggap la mang dangalan ding anak na, ala neng kamalayan; mibili la man king kamuran, ala ya ring kabaluan.

Job 17:1

Malapit neng mapupus ining bie; pangisnawa ku maskup ne, kutkutan kaku manaya ne.

Job 17:11

Linipas na lang aldo ku; e la migtagumpe ding kakung planu; ala na kung kapanayan.

Job 27:3

anggang dirinan na kung inawa

Ding Dalit 104:29

Potang darayu ka karela mangatakutan la; nung patluran mung karelang pangisnawa mate la; magbalik la king alikabuk a ibatan da.

Ding Dalit 33:10

Ing Ginu ya ing sisira king tatangka da ring bansa; bibiguan nang e mayap dang nasa.

Ding Dalit 90:3

Babalik me ing tau king alikabuk a keyang ibatan; kekang sasabian, O anak ding tau, king alikabuk mibalik kayu.

Ecclesiastes 12:7

Ganakan me kabang e ya magbalik ing katawan mu king gabun a penibatan na at bayu ya mibalik ing kaladua mu king Dios a minie kaniti.

Ecclesiastes 9:6

Kayabe rang mete ing karelang lugud, mua at diria; e na la makapakiabe pa king nanumang malilyari keti king yatu.

Isaias 2:22

E yu na bibili ing kekayung kapanaligan karing taung matbud. Nanu wari ing ulaga ra?

Ding Tagulele 4:20

Arakap de ing manimuna king bie mi, ing ari a ing Ginu mismu yang memili, ing kekeng penaligan migdipensa kekami karing sablang kalaban.

Daniel 5:23

Dinapat kayung laban king Ginu ning banua at dela yu la keti ding kopa at lulanan ibat king Templo na. Ikayu, ding mangarangal yung tauan, ding kekayung asawa, at ding babaing kekayung kasese ginamit yu la king pamaninum yung alak at pinuri yu la ding kikilalanan yung dios a megawa king gintu, pilak, tangsu, bakal, dutung, at batu; ding dios a e manakit o makaramdam ampon alang balu nanuman. E ye parangalan ing Dios a tatalan king bie yu at magmanehu king heganaganang gagawan yu.

1 Corinto 2:6

Makanyan man, maniabi kung kabiasnan karetang atin nang sibukan king bie espiritual. Oneng e king kabiasnan na ning yatu ni e king upaya da ring pamuntuk na ning yatu a milalako na upaya.