Ding Dalit 140:3 - Ing Mayap a Balita Biblia

³ Ding dila ra anti lang ubingan a kamandagan; ding karelang amanu anti lang kamandag ning kamamalu.

Ding Dalit 140:3 Iomraidhean Croise

Genesis 3:13

Kanita kitang na ning Ginung Dios king babai, Obat gewa mu ing anti kanyan? Pekibat ning babai, Lininlang na ku ning ubingan, inya mengan ku.

Ding Dalit 57:4

Atyu ku libutad ding taung balamu leon, balamu leon lang mamangan-tau; ding ipan da balamu paku la at paslu, at dila ra anti lang espadang mataram.

Ding Dalit 58:4

Kamandagan lang anti ing ubingan; mengari la king kamamalung magmaklak-maklakan;

Ding Dalit 59:7

Ding asbuk da bubula la, karelang dila anti lang mataram a espada! Makanyan man karela pang sasabian, Alang makaramdam king kekatamung pamaniabian.

Ding Kasebian 12:18

Ing pamagsalitang bugasuk anti yang pataram a maniugat malalam, oneng ing pamagsalitang banayad mamungang kapayapan.

Ding Kasebian 23:32

Kabukasan kekang panamdaman ing anti kang metuktuk king kamandagan a ubingan.

Ding Kasebian 6:14

samantalang kilub dang pusu e mayap ing karelang paplanu; sasalbag lang gulu karing tau.

Isaias 59:13

Mig-rebeldi kami laban keka; likuan da ka at e ke mebisang tuki keka. Gipitan mi la ding kalupa ming tau at ginulut ke keka. Mali la ding pamisip mi at pawang kalaraman ing sasabian mi.

Jeremias 9:3

Parati lang magsalitang kalaraman; kalaraman ing mag-ari king bansa lugal king ing katutuan. Ngana ning Ginu, E ngan mayap ing daraptan da ring taung pinili ku, at e ra ku kikilalanan Dios da.

Jeremias 9:5

Ila ngan karela lang lilinlangan ding karelang kakaluguran, at metung man alang magsalitang katutuan; sinane da lang dila ra king pamaglaram, at e la bisang tuknang darapat kasalanan.

Ding Tagulele 3:62

Patitingapun aku ing pisasabian da, at laban kaku ing tatangka ra.

Mateo 12:34

Lahing kamamalu, makananu kayung makapagsalitang mayap ngening e kayu mayap? Uling ing lulual king asbuk na ning tau manibatan ketang makalaman king pusu na.

2 Corinto 11:3

Oneng mikakunu ku; pota malasun ing kekayung pamisip at mirayu kayu king tapat at malinis a pamanalig kang Cristo, antimo nung makananu neng alinlang ning ubingan i Eva.