Ding Dalit 139:21 - Ing Mayap a Balita Biblia

²¹ O Ginu, tutu ku lang kasaman detang ating mua keka! Pikakasaman ku la detang keka lalaban!

Ding Dalit 139:21 Iomraidhean Croise

2 Cronica 19:2

Selubungan neng Jehu, ing propetang anak nang Hanani. Nganang propeta Jehu kang Aring Jeosafat, Kailangan la waring saupan ding taung e mayap at luguran detang masama king Ginu? Uli na ning depat mung iti, mimua ya keka ing Ginu.

Ding Dalit 119:136

Balamu ilug a mamagus king lupa ku ing lua, uling ding utus mu e da la pamintuan ding aliwa.

Ding Dalit 119:158

Masusumami ku neng akakit ku la ding taksil, uling ding utus mu e da la pamintuan.

Ding Dalit 15:4

E na la katulan detang tatanggi king Dios; oneng detang king Dios mamintu, at tatakut ilang gagalangan na; tutuparan na sabla nang kapangakuan nu man anti ing maging kabayaran.

Ding Dalit 26:5

Kasaman ku ing pamakiabe karing taung darapat e ustu, at e ku mekiluklukan karing makasalanan.

Ding Dalit 31:6

Keka lang pikakasaman ding sasambang e tutung dios, oneng ika, Ginu, ing kakung panaligan.

Jeremias 13:17

Nung e kayu makiramdam, lihim kung kumiak uli ning kekong ketasan; Kumiak kung e makanyan-kanyan at ing lua ku magus, uling ding taung pinili ning Ginu mayakua la at maging bihag.

Marcos 3:5

Miyalung mua at lungkut ing meyakit king lupa nang Jesus kabang maglalawe ya karing taung makapadurut uli na ning kesiasan dang lub. Inarapan ne ing lalaking panat metung a gamat at ngana, Iyatiat me ing kekang gamat. Inatiat na ne man ning lalaki ing gamat na at iti kinayap ya.

Lucas 19:41

Inyang malapit ne king siudad i Jesus at ababatiawan na ne, tengisan ne.

Kapahayagan 2:2

Balu ku ing depat mu, ing kapagalan mu at kapibabatan king pamakiarap mung kasakitan. Balu ku king e mu peintulut ing e mayap. Balu ku king sibukan mu la ding sasabing apostol la at apatunayan mu king e la tune apostol.

Kapahayagan 2:6

Iti naman ing apupuri ku keka: pikakasaman mung kalupa ku ing gagawan da ring Nicolaita.