Ding Dalit 139:1 - Ing Mayap a Balita Biblia

¹ O Ginu, sinuri mu ku at kakilala mu ku!

Ding Dalit 139:1 Iomraidhean Croise

2 Samuel 7:20

Nanu pa ing sabian ku keka? Balu mu ku bilang talasuyu mu, O Ginung Dios.

1 Ari 8:39

pakiramdaman mu la sana kanita ken king banuang kekang tuknangan, at patawaran ing depat dang pamikasala, uling ikang bukud ing makibalu king pusu ning tau. Inya ika ing munie ablas agpang king depat da.

2 Ari 19:27

Oneng balu ku ing heganaganang bage tungkul keka, nung nanu ing gagawan mu at nung nukarin ka munta. Balu ku nung makananu kang mimimua kanaku.

1 Cronica 17:18

Nanu pa mo ing sabian ku keka? Lubus mu kung balu, makanyan man parangalan mu ku, ing kekang talasuyu.

1 Cronica 28:9

At ngana kang Solomon, Solomon, anak ku, kilalanan me sana ing Dios nang tata mu at suyuan me king mabilug mung pusu at king kaisipan at king mitmung katapatan, uling asasalugsugan na la ding sabla tamung isipan at kapagnasan. Siguradung akit me, nung panintunan me; nung lakuan me, lakuan na ka naman king kapilan pa man.

Ding Dalit 139:23

Surian mu ku, O Dios, at pakibaluan mung isipan ku; subukan mu ku at kilalanan ing kakung isipan.

Ding Dalit 17:3

Pusu ku balu me; bengi man sisi-siasatan me. Sibukan mu ku at ala kang ikit a e mayap; uling kakung pamagsalita kakung ingatan.

Ding Dalit 44:21

siguradung iti atuklasan mu, uling balu mu laman ding pusu mi.

Jeremias 12:3

Oneng ika, Ginu, balu mu ku; ing daraptan ku akakit mu at balu mu nung nu anti ing lugud ku keka. Kaladkaran mu la't ilako deting tau anting tupang malapit da nang katatan; banten mu la angga king oras a paten da la.

Juan 21:17

Kitang na king katlung besis, Simon, anak nang Juan, kaluguran mu ko? Melungkut ya i Pedro uling mekatatlu na kitang: Kaluguran mu ko? At mekibat ya, Ginu, balu mu ing sabla; balu mu king kaluguran da ka! Sinabi nang Jesus, Pakanan mu la ding tupa ku.

Hebreo 4:13

Ala kang asalikut nanuman king Dios. Ing sablang melalang makabuklat at makalantad king panimanman na at king Dios tamu munie kwenta tungkul king kekatamung sarili.

Kapahayagan 2:18

Isulat mu iti king anghel na ning iglesia karin Tiatira: Iti ya ing sasabian na ning Anak ning Dios a ating matang milalablab anting api at bitis a anting kikinang a tangsu.

Kapahayagan 2:23

Paten ku la naman ding anak na ban kanita abalu da ring sablang iglesia king aku ing susuri king pusu at isip da ring tau. Ablasan ke ing balang metung kekayu ketang depat yu.