Ding Dalit 127:2 - Ing Mayap a Balita Biblia

² Baket paipagal ka pang manintunan, migigising maranun at magpuyat? Ing Ginu e no paburen ding kaluguran na kabang matudtud la.

Ding Dalit 127:2 Iomraidhean Croise

Job 11:18

Mie kang panatag, mitmu king kapanayan; ingatan na ka ning Dios, at karatunan ibie na keka.

Ding Dalit 3:5

Malyari na ku ngening magkera ban matudtud, at kaybat migising ku, uling ing Ginu ya ing magbante kaku.

Ding Dalit 4:8

Payapa kung magkera, at agad-agad mipapatudtud ku, uling ika mung bukud O Ginu, ing makapanatag king lub ku.

Ding Dalit 60:5

Datang na ka ban ding kekang pakamalan miligtas la king karelang kasakitan, at kekeng panalangin kekang pakibatan.

Ding Kasebian 10:22

Ing bendisyun ning Ginu ya ing babie pibandian king tau. Ing pamagkapilit magobra e na ka agawang makualta.

Ecclesiastes 1:14

Ikit ku ing sablang milyari keti king yatu, inya ing asabi ku ya iti: alang kabaldugan ing sabla; mengari kang darakap king angin.

Ecclesiastes 4:8

ing taung mabibie magdili-dili, ala yang anak o kamaganak, makanyan man ala yang patugut magobra. E ya pa matula king pibandian na. E na akukutang man nung kaninu malakuan ing pibandian a bunga na ning kapagalan na at tatanggian na ing tula. Iti munaman alang kabaldugan at malungkut a bie.

Ecclesiastes 5:12

Maniaman ya tudtud ing taung mapagal king obra, mabsi ya o ali ya. Oneng e ya man mipapaiglip ing taung mabandi uli na ning kaiisip na king pibandian na.

Ecclesiastes 6:7

Magobra yang alang patugut ing tau ban atin yang apangan, oneng e ya kakabsi.

Jeremias 31:26

Inya ding tau karelang sabian, Metudtud ku at presku ku panamdam inyang migising ku.

Ezekiel 34:25

Gawa kung kasunduan a kayabe ra a munie katibayan king karelang kaligtasan. Ilako ku la king bansa ding sablang mabagsik a animal ban mangabiayan la ding kanakung tupa king mitmung kapayapan karing marangle, at makapagkera la karing kagubatan.