Ding Dalit 127:1 - Ing Mayap a Balita Biblia

¹ Nung aliwa ing Ginu ing mitalakad king bale, alang ulaga ing gewa da ring manalakad-bale. Nung ing Ginu e ne ingatan ing siudad, alang kabaldugan ing pamagbante da ring guardia.

Ding Dalit 127:1 Iomraidhean Croise

1 Ari 5:12

Antimo ing pangaku na, dininan neng kabiasnan ning Ginu i Solomon. Masanting ing pamiyutus da ri Hiram at Solomon, at pikayari de ing metung a kasunduan.

1 Cronica 28:10

Sukat mung tandanan king ika ing pinili na ning Ginu ban patalakad king banal nang bale. Magpakatatag ka at daptan mu na itang sukat mung daptan.

1 Cronica 28:20

Ngana pang David kang Solomon, Magpakatatag ka at e mu painan ing lub mu. Daptan mu na itang sukat mung daptan at e mu paintulut ing sabatan na ka ning ninuman, uling ing Ginung Dios a kanakung Dios patnubayan na ka. E na ka lakuan; matnube ya keka angga king apayari mu ing obra para king bale na.

1 Cronica 29:19

At ibie me sa king anak kung i Solomon ing pusung tapat a bisang tupad karing kekang utus ampon tuntunan at italakad ne ing bale mu a kanaku nang sidia.

Ding Dalit 120:1

Inyang magugulu ku, minaus ku king Ginu at pekibatan na ku.

Ding Dalit 121:1

Iyatna ku la ding kakung mata karing bunduk-bundukan nung nukarin manibatan ing kakung kasaupan.

Ding Dalit 122:1

Mesaya ku inyang sinabi ra kaku, Tara, munta tamu king bale ning Ginu!

Ding Dalit 123:1

Keka yatna ku la dening kakung mata, keka a makalukluk king tronu king banua.

Ding Dalit 124:1

Nung ing Ginu e ya migpanig kekatamu, nanu kaya ing mepalyari? Makibat ka ngeni, O Israel!

Ding Dalit 125:1

Ding taung magtiwala king Ginu kalupa re ing Bunduk ning Zion a kapilan man e matugun at midusug.

Ding Dalit 126:1

Inyang binalik na kami ning Ginu karin Jerusalem balamu wari maninap kami mu.

Ding Dalit 72:1

O Dios ko, ing kekeng ari keka yang turuanan matul a alang pamangabiran; king kekang hustisia dakayanan me sana,

Ding Dalit 78:69

Karin ing Templo na telakad ne; kalupa ning tuknangan na karin banua; gewa neng tutung matatag kalupa ning yatu.

Ding Kasebian 16:9

Ing tau ya ing misip king buri nang daptan, oneng ing Dios ya ing bala king kekang gawan.

Ecclesiastes 9:11

Atin ku pang atuklasan metung a bage keti king yatu: e ding sablang mabilis mamulayi maniambut la king siglulu o ding matapang king labanan. E la ngan manakitan kabiayan ding sablang taung ating kabiasnan o mibabandi ding taung biasa o mitatas a katungkulan ding taung ating kagiwan. Uling ing kadamalasan daratang kenu man.

Ing Malagung Diling Kanta 3:3

Ikit da ku ring guardiang magronda king siudad. Ngakung mengutang karela, E ye pu ikit ing kakung pakamalan?

Ing Malagung Diling Kanta 5:7

Ikit da ku ring guardia kabang king siudad magronda la; pelupalu ra ku at mesugat ku, at ing kakung balabal karela yang ginabak.

Isaias 27:3

Banten ke at parati keng paranuman. Banten ke aldo at bengi ban e ne ananu balang ning ninuman.

Isaias 56:10

Ngana, Bulag la ding sablang manimuna a sukat munie babala karing taung pinili ku! Ala lang kabalu-balu. Mengari lang asung bante a e biasang kaung; kera-kera la mu at mamaninap. Tutu lang matako tudtud!

Isaias 62:6

Jerusalem, karing pader mu mibili kung guardia; bengi at aldo sukat lang e magtahimik ban pangaku ning Ginu ipaganaka ra, at e ra paintulut ing makalinguan la.

Jeremias 51:12

Ibie ya ing senias king pamaglusub karing pader ning Babilonia. Dagdagan la ding guardia! Mibili kayung bante karing puesto ra! Isadia la ding salake! Depat na ning Ginu itang sinabi nang daptan na karing memalen na ning Babilonia.

Jeremias 51:31

Daratang ya king ari ning Babilonia ing metung at metung karing talapagdalang balita ban sabian king ing siudad na melasak ya king misusumangid.

1 Corinto 15:14

at nung i Cristo e ya sinubling mebie alang kwenta ing kekaming ipanaral at alang kwenta ing paniwalan yu.

1 Corinto 3:7

Aliwa ing tinanam o ing menugtug ing maulaga, nune ing Dios a pepatubu king tanaman.

Galacia 4:11

Pigaganakan ku ing magkang masayang ing sablang pipagalan ku para kekayu.

Deuteronomio 8:18

E ye kakalinguan ing Ginung kekayung Dios. Ya ing panibatan na ning upaya ban mibandi kayu, ban patunayan na ing katapatan na manibat na kanita angga na ngeni, ketang pengaku na karing makatua yu.

Josue 2:2

Abalitan na ning ari ning Jerico king ating mapilan a Israelitang dinatang itang benging ita ban mag-ispia la king mabilug a kayarian.