Ding Dalit 11:1 - Ing Mayap a Balita Biblia

¹ Ing Ginu ya'ng kaku mimingat, makananu yung ngeni kaku sabian, Karing bunduk sulapo kang anting ayup;

Ding Dalit 11:1 Iomraidhean Croise

2 Cronica 14:11

Nganang menalangin Asa king Ginung Dios, Ginu, ala metung man a anti ika ing makasaup king metung a maina king pamakilaban king metung a mayupaya. Saupan mu kami, O Ginung kekaming Dios, uling manalig kami keka, at king lagyu mu linual kaming makilaban kareting dakal a kalaban. O Ginu, ika ing kekaming Dios; e mu ipaintulut ing sambutan da kami.

2 Cronica 16:8

E la wari milalu karakal ding sundalus ning Etiopia at Libya, at ding karelang karung panggera at sundalus a pakasake kabayo? Oneng simbut mu la uling menalig ka king Ginu.

Nehemias 6:11

Sinabi ku, Kailangan waring mamulayi ya ing taung anti kanaku at salikut king Templo ban iligtas ne ing bie na? E ku daptan ing anti kanita.

Ding Dalit 16:1

O Dios ko, ingatan mu ku, uling ika ing kakung panaligan.

Ding Dalit 25:2

O Dios ko, ika ing kakung panaligan. E mu sa paburen ing sambutan da ku ding kakung kalaban.

Ding Dalit 31:14

Oneng keka ku manalig, O Ginu; kakung sasabian, Ika ing Dios ku.

Ding Dalit 56:11

King Dios ku binili ing kakung kapanaligan, inya ala kung sukat pigaganakan. Ba't kalupa kung tau kaku yang pitakutan?

Ding Dalit 7:1

O Ginu, O Dios ko, keka ku lalapit; iligtas mu ku at ingatan karing sablang tatagal kaku.

Ding Dalit 7:2

Nung ali mangari lang leon idala da ku, at paglapakan da ku, at alang magligtas kaku.

Ding Dalit 9:10

Detang mekasubuk king lagyu mu manalig la keka, O Ginu; kapilan man e mu la lakuan ding lalapit king kekang arapan.

Ding Kasebian 6:5

anggang e ka mibulus anting ayup king aula o anting usa a tatakas ketang bisang dakap keka.

Jeremias 48:14

Lalaki na ning Moab, obat sasabian yung bayani kayu at matapang a sundalung mesubuk na king labanan?

Lucas 13:31

Dinatang la king oras a ita ding mapilan a Pariseo. Ngara kang Jesus, Mako ka keti at manaliwang lugal, uling buri na kang ipapate Herodes.

1 Samuel 19:11

Ketang benging ita mitubud yang tauan na i Saul king bale nang David ba reng banten at paten tutuking abak. Inya nganang Mikal a asawa nang David, Nung e ka pa tumakas ngening bengi, bukas paten da ka ren.

1 Samuel 20:38

Malagua ka; e ka magpalat ken! Tinipun na la ning anak ding paslu at saka ne linapit king panginuan na.

1 Samuel 22:3

Manibat karin minta ya i David king Mizpa ning Moab. Ngana king ari na ning Moab, Ipakisabi ku sanang mayap kekayu king tulutan yu lang manatiling kayabe yu i tata ku at ima ku anggang e ku pa balu ing kaburian na ning Dios para kanaku.

1 Samuel 23:14

Menatili ne man i David karing kuta king bulubundukan at king ilang nang lugal ning Zif. Aldo-aldo neng panintunan Saul, oneng e na peintulut ning Dios ing arakap ne.

1 Samuel 27:1

Nganang David king lub na, Datang mu rin ing aldo a apate na kung Saul. Mayap pa tumakas ku at munta king bansa da ring Filisteo. Kanita tuknangan na na kung panintunan Saul king mabilug a bansa ning Israel; mekad makanyan ku mung miligtas karing gamat na.