Ding Dalit 102:4 - Ing Mayap a Balita Biblia

⁴ Malalanat yang anting dikut ing kakung pusu; king pamangan ala kung ganang mangan.

Ding Dalit 102:4 Iomraidhean Croise

2 Samuel 12:17

Pintalan de ring opisyal na at pekisabian deng mayap ing talakad ya, oneng e ya mebisang mangan kayabe ra.

Ezra 10:6

Kaybat meko ya king arap ning Templo, at minta ya king kuartu nang Johanan a anak nang Eliasib, at karin na pepalabasan ing bengi. E ya bitasang mengan at minum uling tutu yang malungkut uli na ning kataksilan a depat da ring taung miyugse a mibalik.

Job 10:1

Anti ning milako na ku gana king bie, kakung tutul alang pamamigil kaku yang ibie. Magsalita ku tungkul king kapait-paitan ning kakung panamdaman.

Job 30:30

Manuling at mangasugat ining kakung balat; katawan ku mibabaya ne man king lagnat.

Job 33:20

Milalako ya gana king pamangan, ing pelalung maniaman dungus na e na buring tanggapan.

Job 6:4

Pakatusuk la kaku ding paslu ning Mayupayang Dios; kakalat king mabilug kung pangatau ing lasun dang e mu nanu. Makatalakad arap ku ing heganaganang makatakut ning Dios.

Ding Dalit 102:11

Ing bie ku kalupa ne ning anino neng bengi, at anti ing dikut a melanat.

Ding Dalit 102:9

Uli ning kasbu mu at mua kaku abu ing meging kakung pamangan, at ing lua ku miyabe king kakung inuman. Dimput mu ku at belugse.

Ding Dalit 37:2

Uling e lumuat langi lang anting dikut; anti ding tanaman malanat la ngan.

Ding Dalit 42:6

Kaladua ku malungkut ya, inya agaganaka da ka king bansa ning Jordan, at karin king Hermon at king Bunduk ning Mizar.

Ding Dalit 69:20

King pamaninsultu ra kaku mispak yang kakung salu; tutu kung ala nang akarapat, kalungkutan ing atyu kaku; manintun kung dumame kaku, oneng ala metung man; mamatula kaku ala kung atagpuan.

Ding Dalit 77:3

Neng gaganakan ke ing Dios sasaingsing ku; neng migunamgunam ku mimina ku lub.

Isaias 40:7

Lalangi ing dikut at malalanat lang sampaga potang tiupan na la ning angin a parala na ning Ginu. Wa, mengari yang dikut ing tau.

Ding Tagulele 3:13

Malalam ing disnan da ring paslu king katawan ku digpa.

Ding Tagulele 3:20

Iti parati kung agaganaka, at malulumud ya ing kakung kaladua.

Ding Dapat 9:9

E bitasang menakit kilub ding atlung aldo. King kekaban da ring aldong deta ala yang bitasang pengan o ininum.